Nëse orkidetë kanë pushuar së lulëzuari, atëherë bëjeni këtë gjë: Një metodë që “i kthen në jetë”

Ju sjellim një truk që rikthen orkidetë në jetë. Sekreti qëndron në këtë gjë

Edhe kur rritni orkide me shumë vëmendje, ndodh që bimët herë pas here “lodhen” dhe pushojnë së lulëzuari.

Kjo është veçanërisht e theksuar në mot të nxehtë. Megjithatë, mos u shqetësoni, ekziston një mënyrë tepër e thjeshtë, por edhe efektive për të rikuperuar shpejt bimët tuaja të preferuara, pra truku është përdorimi i çajit jeshil…

Si ta përgatisni çajin jeshil?

Është mirë të përdorni çaj në gjethe, por nëse nuk keni mundësi të tjera, mund të përdorni edhe çaj nga qeskat me filtër, transmeton Telegrafi.

Përgatitni çajin jeshil në mënyrën e zakonshme – vendosni një qese filtri në dy decilitra ujë të vluar ose një lugë çaji jeshil, pastaj lëreni të qëndrojë për dhjetë minuta. Më pas nxirreni qesen ose kullojeni çajin nëse keni përdorur atë të dyqanit të ushqimeve të shëndetshme dhe më pas lëreni të ftohet, shkruan “Orchideria”.

“Ujiteni orkidenë me dy lugë çaj të ftohtë në ditë për pesë ditë rresht dhe më pas bëni një pushim dy ditë nga përdorimi i këtij lëngu për të ujitur bimën.

Nëse i rritni orkidetë si duhet me këtë “ilaç magjik”, ato me siguri do të lulëzojnë sërish.

Shikoni videon më poshtë që flet për përfitimet e çajit për orkidetë:

/Telegrafi/