Në qoftë se Lëvizja Vetëvendosje dhe Lidhja Demokratike e Kosovës nuk arrijnë përfundimisht të formojnë Qeverinë e re, atëherë janë disa skenare drejt formimit të institucioneve të Kosovës.
Analistët politikë përmendin si opsion bashkëpunimin e Lëvizjes Vetëvendosje me ndonjë parti tjetër, Qeverinë gjithëpërfshirëse, por nëse këto nuk realizohen atëherë edhe zgjedhjet e reja mbesin si opsion.
Analisti politik, Mazllum Baraliu në një prononcim për Telegrafin ka thënë se momentalisht jemi në një krizë institucionale.
“Nuk ka shumë opsione, ne jemi në një krizë institucionale, ne jemi në udhëkryq e kjo nuk i bën mirë askujt. Nëse nuk arrihet koalicioni duhet LVV të shkojë në presidencë të dorëzohet mandati dhe të tregohet se nuk po mund të kompletohet kabineti qeveritar. T’i jepet edhe një afat prej 15-ditësh dhe nëse nuk mundet as pas këtij afati atëherë të shkohet në zgjedhje të reja. Po ashtu grupet parlamentare mund të merren vesh të shpërndajnë parlamentin, dhe për këtë duhen 2/3 e votave”, ka thënë Baraliu.
Gjithashtu, drejtori i organizatës “Çohu”, Arton Demhasaj, duke komentuar situatën e krijuar politike tha se nëse LVV dhe LDK nuk gjejnë gjuhë të përbashkët për qeverisje atëherë janë katër opsione për formimin e Qeverisë.
“Opsionet janë: LVV të kërkojë partner tjetër për koalicion, pasi LVV të konsumojë të drejtën për të formuar Qeverinë, mandati t’i jepet LDK-së. Të ketë Qeveri gjithëpërfshirëse tri vjeçare dhe opsioni i katër është të shkohet në zgjedhje të reja”, tha Demhasaj për Telegrafin.
Ndërkaq, dy partitë politike Lëvizja Vetëvendosje dhe Lidhja Demokratike e Kosovës për momentin nuk janë duke zhvilluar takime, këto dy parti së fundmi kanë shkëmbyer disa letra njëra me tjetrën. Kreu i LVV-së, Albin Kurti ka kërkuar nga kryetari i LDK-së të kthehen në tryezën e bisedimeve.
Ai ka kërkuar që LDK të heqë dorë nga kërkesa për largimin e Konjufës dhe t`i kthehet negociatave.
“Bujarisht, ju kemi ofruar më shumë se gjysmën e qeverisë ( në raportin 6:5 të ministrave), juve si parti që keni dalur e dyta në zgjedhje. E kemi pranuar edhe çështjen e zgjedhjes së Presidentit e cila nuk është fare urgjente dhe për të cilën nuk kemi garuar. U treguam më shumë se të gatshëm të rrisim pjesëmarrjen e LDK-së në qeverisje, në pushtet. Mirëpo, nuk mundemi tash t’i de-legjitimojmë institucionet demokratike me ujdi monarkësh. Zgjedhja e Konjufcës ishte legale dhe legjitime”, thotë Kurti./Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre