Nëpërmes dialogut do të zgjidhet problemi i guroreve në Labunishtë

Në javën tjetër ose më së voni dy javë, së bashku me Ministrin e Ekonomisë, Kreshnik Bekteshi, ne do të organizojmë një takim me koncesionarët për të diskutuar dhe për të gjetur një zgjidhje të përhershme të problemit që banorët e fshatit Labunishtë të Strugës kanë me guroret, tha kryeministri Zoran Zaev në përgjigje ndaj një deputeti në Kuvend.

Ai tha se do të bënin çmos për të gjetur një zgjidhje sepse, siç tha ai, banorët e Labunishtës ishin në rrezik të humbnin shëndetin e tyre dhe madje edhe sigurinë e guroreve të shumta në afërsi të vendbanimit, për të cilat koncesionarët kishin marrëveshje të vlefshme për koncesione dhe shfrytëzim mineralesh, lëndë të para, gur gëlqeror.

Dy ditë më parë, shtoi kryeministri, pati një shpërthim që shkoi përtej të gjitha standardeve dhe shkaktoi pyetje të mëtutjeshme dhe ndotje shtesë të ajrit, ndërsa muret e disa prej shtëpive në Labunishtë u çanë gjithashtu.

“Unë kam qenë i përfshirë në këtë çështje së bashku me ministrin Bekteshi dhe kam pasur takime me qytetarët dhe deputetin nga Struga në të cilin kemi identifikuar disa mënyra për të zgjidhur problemin. Unë mendoj se kemi dy mundësi. Njëra është ofrimi i koncesionarëve vendndodhje të reja alternative larg vendbanimeve dhe sigurimi i tyre në përputhje me ligjin. E dyta është që përmes shërbimeve të inspektimit të vazhdohet me kontrollimin e plotë të dokumentacionit për dhënien e koncesionit, nga lejet mjedisore deri në procedurën e lëshimit të aprovimit dhe nëse konstatojmë ndonjë parregullsi për ta sanksionuar”, tha Zaev.