Nelly Furtado i ka befasuar fansat duke bërë të ditur se po i jep fund performancave live, vendim që vjen pas një vale kritikash dhe komentesh që turpërojnë trupin.
Këngëtarja, 45 vjeçe, e shpërndau lajmin në Instagram, duke shprehur mirënjohje për karrierën e saj 25-vjeçare, e cila filloi me albumin debutues Whoa, Nelly! dhe hite si I'm Like a Bird dhe Maneater.
Ajo tha se tani dëshiron të përqendrohet në projekte të tjera krijuese dhe personale, duke shtuar: “Faleminderit për udhëtimin… gjithmonë do të shkruaj muzikë”.
Postimi përfshinte një fotografi të saj në moshën 20 vjeçe, përpara performancës së parë profesionale, dhe një klip nga koncerti në Berlin këtë verë, duke kujtuar fillimet dhe emocionet e para në skenë, shkruan DailyMail.
Furtado theksoi gjithashtu se pamja e saj është natyrale dhe se nuk ka bërë kurrë ndërhyrje estetike të mëdha.
Fansat reaguan menjëherë me mesazhe mbështetëse dhe kujtime personale, duke treguar admirimin e tyre për kontributin e saj në muzikë.
Furtado tha se shijon ende procesin e krijimit të muzikës dhe falënderoi të gjithë ata që e kanë mbështetur gjatë karrierës.
Ndërsa vendimi për t’u tërhequr nga performancat është një moment i rëndësishëm, këngëtarja mbetet aktive në muzikë dhe synon të vazhdojë të ndihmojë fansat me projekte të reja. /Telegrafi/
