Nedved: Jemi të hapur në ofertat për Dybalan, po punojmë në transferimin e Lukakus

Zëvendëspresidenti i Juventusit, Pavel Nedved, ka zbuluar se disa klube janë të interesuara në transferimin e Paulo Dybalas dhe se nuk e përjashtojnë shitjen e argjentinasit.

Sulmuesi i talentuar ka zgjuar interesimin e klubeve si, Manchester United, Paris Saint-Germian, madje edhe Interi që është i gatshëm ta përfshijë Mauro Icardin.

“Tashmë kemi marrë disa oferta, ka disa interesime, por ne jemi duke pritur diçka më konkrete, në mënyrë që të vendosim me qetësi”, ka thënë Nedved.

Kjo vjen pas thashethemeve në këtë mbrëmje që Juventusi i tha Dybalas se ai është në tregun e transferimeve, por argjentinasi është i etur të qëndrojë dhe dëshiron të flasë me trajnerin Maurizio Sarri.

Nedved u pyet edhe për raportimet se Juventusi po tenton ta transferojë sulmuesin e Manchester United, Romelu Lukakun.

Lexo po ashtu Dybala vendos për të ardhmen

“Duke fituar tetë titujsh të njëpasnjëshëm, ne ndjehemi se kemi tashmë një skuadër të fortë. Natyrisht, me tregun e transferimit të hapur, ne jemi duke u përpjekur për të përforcuar skuadrën”.

“Nuk do të hyj në detaje dhe nuk dua të flas për individë, por të themi që po punojmë në të”, ka shtuar më tej legjenda e Zonjës së Vjetër që aktualisht është zëvendëspresident. /Telegrafi/