Personaliteti televiziv James Argent ka bërë një imitim të fotografisë provokuese të David Beckham pranë pishinës, postuar në shtator nga gruaja e tij Victoria.
Ish-ylli i spektaklit “TOWIE”, 34 vjeç, i cili ka humbur afro 70 kilogramë pas një operacioni në ngushtimin e lukthit, bëri imitimin e tij më të mirë të futbollistit të shtrirë në një pishinë, me mbathjet e zhveshura në pjesën e pasme.
Duke pozuar i zhveshur, Arg e mori seriozisht realizimin e fotografisë, duke shfaqur disa nga tatuazhet me nënshkrimin e 46-vjeçarit David në shpinë në fotografinë për numrin festiv të “Heat Magazine”, shkruan DailyMail.
Argu veshi një palë pantallona të shkurtra të markës “Versace” për fotografinë dhe shkëlqeu me pamjen e tij ndërsa ishte shtrirë në pjesën e përparme në ujë me krahët e mbështetur anash, sikur po merrte rreze dielli.
Duke pasur flokë pak të lagura dhe duke treguar ngjyrën e tij të lëkurës dhe tatuazhin kryq, ngjashmëria ishte e çuditshme.
Victoria, 47 vjeçe, kishte publikuar më parë fotografinë e pacipë të burrit të saj, ndërsa ata ishin me pushime në Florida në muajin shtator.
Arg bashkohet me një mori yjesh në edicionin festiv të revistës së famshme angleze. /Telegrafi/
