Në një sulm me dron, ukrainasit shkatërrojnë tankun rus T-90 që kushton 4.5 milionë dollarë

Një video e filmuar nga ajri shfaq momentin kur forcat ukrainase arrijnë të shkatërrojnë tankun e avancuar rus T-90 gjatë një sulmi me dron, shkruan Newsweek.

Videoja 17-sekondëshe e filmuar nga droni dhe e shpërndarë në rrjetet sociale nga ministria ukrainase e Mbrojtjes, është filmuar nga Brigada e 92 e ushtrisë ukrainase, transmeton Telegrafi.

Në të shfaqet shënjestrimi i tankut rus nga forcat e Kievit në një lokacion të panjohur, si dhe shfaqen pamjet nga një kënd tjetër, ku shihet makineria ruse duke u hedhur në erë.

Lexo po ashtu Ministri gjerman i Mbrojtjes thotë se nuk është marrë asnjë vendim për dërgimin e raketave Taurus në Ukrainë

T-90 konsiderohet nga rusët si një tank i avancuar që po përdoret në luftën në Ukrainë. Sipas ministrisë ukrainase të Mbrojtjes, ky tank kushton 4.5 milionë dollarë.

Në qershor të vitit të kaluar, presidenti rus Vladimir Putin e kishte cilësuar tankun T-90M Proryv si “tanku më i mirë në botë”, por ukrainasve nuk iu desh shumë mund për ta shkatërruar. /Telegrafi/

That's a firework!
An FPV drone destroyed a Russian T-90 tank worth $4.5 million. 

📹: 92nd Assault Brigade pic.twitter.com/BS8OxfbWHl

— Defense of Ukraine (@DefenceU) March 5, 2024