Në Meksikë ndodhin afro 100 vrasje çdo 24 orë, kurse presidenti i vendit Andres Manuel Lopez Obrador, është zotuar se do të çrrënjos krimin nga shoqëria, shkruan The Guardian.
Megjithatë ndryshimet janë shumë të vogla në këtë vend ku gjatë këtij viti janë vrarë afro 26 mijë persona, kurse vetëm në Tijuana, 1,800, transmeton Telegrafi.
Kur në dhjetor të vitit të kaluar Obrador u zgjedh president i Meksikës, kishte premtuar se do ta “qetësojë” njërin nga popujt më të dhunshëm në Amerikën e Jugut, duke i shpallur luftë krimit në shoqërinë e këtij vendi. Por, janë bërë gati një vit nga ky zotim dhe shumë pak progres është bërë, kurse përqindja e vrasjeve dhe dhunës janë në nivelin më të lartë.
Gjatë muajit të kaluar zyrtari për siguri Alfonso Durazo pati deklaruar se përqindja e dhunës kishte rënë, por pa kaluar një javë pjesëtarët e kartelit Joaquin Guzman i njohur si El Chapo, vrau 13 policë kur ata tentuan t’ia arrestojnë të birin.
Në nëntë muajt e parë të këtij viti në Meksikë kanë ndodhur 100 vrasje në ditë, derisa gjatë vitit të kaluar në Tijuana kanë ndodhur 2,518 vrasje, dhe gjykuar nga situata aktuale duket se do të ketë më shumë.
“Shteti ka humbur kontrollin”, ka deklaruar eksperti i çështjeve të sigurisë Victor Clark për The Guardian, gazetarët e të cilit kanë kaluar afro 8 ditë në njërin nga qytetet më vdekjeprurëse në Meksikë – Tijuana.
Sipas tyre java filloi e qetë pa ndonjë vrasje në 24 orët e para, kurse kryetari i komunës së Tijuanës, Arturo Gonzales Cruz, pretendon se një gjë e tillë nuk kishte ndodhur prej vitesh. Por të nesërmen dhuna filloi. Siç raporton The Guardian, në ora 6 të mëngjesit është gjetur trupi i pajetë i një burri, kurse pesë orë më vonë një çift i vdekur në periferi të qytetit. Rreth orës 14:45 është vrarë një burrë tjetër në shtëpinë e tij.
Mediat lokale raportojnë se policia është vënë në kërkim të sulmuesit, por në një vend ku 90 për qind e krimit nuk ndëshkohet nuk ka ndonjë shenjë se do të kenë sukses.
Kanë kaluar më shumë se 10 vite nga lufta për kontrollin e kanaleve për kontrabandim të drogës në SHBA, që e ka bërë Tijuanën një nga qytetet më famëkeqe në botë. Kur karteli Sinaloa i El Chapos tentoi të marrë kontrollin e këtij kanali, ka shpërthyer lufta mes mafisë lokale në Tijuana.
Trupat e pajetë qëndronin të varur në rrethojat mbrojtëse të urave, madje edhe në lagjet e pasanikëve të këtij qyteti ka pasur të shtëna armësh. Në një rast që cilësohet si ndër më të përgjakshmit – policia kishte gjetur 12 trupa të pajetë në qese të zeza të najlonit dhe pa gjuhë në gojë.
Kështu qeveria u detyrua të ndërmerr një aksion dhe deri në vitin 2012, numri i vrasjeve në vit u zvogëlua, por ky numër sërish filloi të rritet. Në Tijuana vrasjet janë të zakonshme sa që një gazetë lokale ka rubrikën e veçantë “vrasje-metri” në mënyrë që lexuesit të kenë rastin të shohin statistikat e detajuara.
Për valën e re të dhunës, autoritet akuzojnë punën e ngadaltë në luftimin e kontrabandimit të drogës në veçantë me substancën e njohur si “meth”, kurse Clark thotë se disa nuk janë vrarë për shkak të kanalit nga ku transportohet droga në SHBA, por për shkak të luftës së territorit në tregun lokal.
Kryetari i Tijuanës thotë se është jo reale të pritet që brenda një periudhe të shkurtër kohore të ndalet kriza e vrasjeve, por shpreson se do të zvogëlohet numri i vrasjeve. Ai së bashku me presidentin e vendit janë zotuar se krimi në qytetin e tij do të ndalet me rehabilitimin e shoqërisë dhe çrrënjosjen e korrupsionit.
“Korrupsioni është nëna e të gjitha të këqijave që po ndodhin këtu”, thotë Gonzales.
Në anën tjetër, Clark që prej vitesh vëzhgon gjendjen e sigurisë në Tijuana, nuk është edhe aq optimist sa i përket kësaj çështje.
“Deri më tani absolutisht asgjë nuk ka ndryshuar. Nuk dyshoj që presidenti ka qëllime të mira, por ajo çfarë po bën ai është e pamjaftueshme”, shtoi Clark. /Telegrafi/
Lufta Prigozhin - Putin
Më shumëNga Rubrika
Pas disa vitesh “ndalesë”, iranianët shkojnë për pelegrinazhin e Umres në Arabinë Saudite
Turqia së shpejti do të vë në veprim sistemin “e diskutueshëm” rus të mbrojtjes S-400?
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan
Pamje të Dubait nga hapësira – ja si dukej, para dhe pas përmbytjeve
Ministri i Jashtëm rus shpalos një nga planet kryesore të Putinit
Turqia së shpejti do të vë në veprim sistemin "e diskutueshëm" rus të mbrojtjes S-400?
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj