Në Francë ka mungesë të mjekëve, sidomos në pjesën rurale

Pavarësisht nga shërbimi shëndetësor kombëtar shumë i favorshëm i Francës, jo të gjithë pacientët marrin trajtim të barabartë, veçanërisht me mijëra që jetojnë në zonat e vendit pa një mjek lokal.

Sipas mediave të huaja, përcjell Telegrafi, një ndër ta është edhe qyteti i vogël i Montargis që është vetëm 100 kilometra në jug të Parisit, tek i cili shumë nga banorët shprehën të shqetësuar kur është fjala për të parë një mjek ose një dentist.

“Që të presim dy vjet që të shohim një specialist të zemrës nuk është e pranueshme. Ne do të jemi të vdekur para kësaj kohe”, tha Catherine Adrien-Camus e cila ka marrë një duartrokitje të gjerë ndërsa ajo dhe banorët e tjerë morën pjesë në një debat për atë që po ndodh në Francë dhe më shumë në mënyrë specifike komunitetin e tyre.

Një ngjarje e javës së kaluar ishte pjesë e dy muajve të debateve që Presidenti Emmanuel Macron e ka quajtur si pjesë e reagimit të tij ndaj protestave të “jelekëve të verdhë”, të shkaktuara nga zemërimi për kostot e larta të jetesës.

Komunitetet lokale janë inkurajuar të mbajnë takime në sallat e bashkisë për të diskutuar se si mund të përmirësohen gjërat, dhe në këtë qytet me 15,000 dhe shumë të tjerë, një nga temat e nxehta është mungesa e mjekëve.

Franca numëron rreth 220,000 mjekë, dy herë më shumë se në vitin 1980, sipas shifrave zyrtare. Por shumë preferojnë të vendosen në qytete më të mëdha sesa në zona rurale apo të vogla urbane.

Në Paris, për shembull, ekzistojnë rreth 798 mjekë për çdo 100,000 banorë, por në zonën Montargis numri i tyre zbret në 76 mjekë të përgjithshëm për 100,000 njerëz – raporti më i ulët në vend. /Telegrafi/