Në festivalin e oldtajmerëve në Antali prezantohet automobili që “flet”

Festivali i oldtajmerëve i mbajtur në Antali të Turqisë ka tërhequr vëmendjen e shumë vizitorëve vendas, por edhe atyre të huaj.

Festivali “Përshëndetje dimrit” mblodhi së bashku pronarët e oldtajmerëve të njohur turk, ndërsa në atë janë ekspozuar 40 makina nga Antalia dhe rrethina. Një numër i madh i automjeteve me këtë rast janë zbukuruar me një shumëllojshmëri të përshkrimeve, raporton AA.

Organizator i aktiviteteve është klubi Grupa 124, i themeluar në vitin 1973 në Antali, ndërsa sot numëron mbi katër mijë anëtarë.

“Këtu janë ekspozuar automobilat nga periudha prej vitit 1971 deri në vitin 1976. Çdo makinë ka emrin e vet. Janë ekspozuar makina që kushtojnë 950 euro, por ka edhe të tilla që kushtojë tetë mijë”, ka thënë presidenti i klubit Osman Kolemen dhe shtoi se në vitet e fundit tradicionalisht festohet ky festival.

Vëmendje të veçantë tërheq makina Sehmnus Sumer, në të cilën është ndërtuar sistem që mundëson që makina të “përbëhet” nga gjashtë deri në shtatë fjali.

“Ne jemi duke punuar në atë që të mund të vendosim një bashkëbisedim me makinën. Ky është një model nga viti 1975. Kam shtuar një gramofon në të dhe ka mundësuar funksionimin automatik të dritareve, ndezjen dhe fikjen e makinës. Në anën tjetër automjeti edhe flet. Kur shtypni butonin mund të thuhet ndihmë. Inspirim për ne ka qenë komediani turk Cem Yilmaz”, tha pronari krenar i Sumerëve duke shtuar se makina ka hyrë në zemrën dhe shpirtin e tij, dhe për të është si një fëmijë.

Një shembull interesant i automjetit “Murat 124” është makina e Muharrem Demirkan ku ka vendosur kamerën, mini-frigorifer si dhe shumë karakteristika të tjera. Demirkan ka thënë se e çmon shumë automjetin dhe se nuk do ta shesë për një çmim më të ulët se dhjetë mijë dollarë.