Në bazë të statistikave, Mustafi është më i mirë se Maguire – transferimi rekord i Unitedit

Manchester United është shumë afër që ta kompletojë transferimin e Harry Maguires, derisa ka arritur marrëveshje me Leicesterin që t’i paguajë 92 milionë euro.

Lojtari 26-vjeçar do të futet në librin e rekordeve, pasi do të bëhet mbrojtësi më i shtrenjtë në histori të futbollit.

Mbrojtësi anglez do ta kalojë Virgil van Dijkun që kaloi te Liverpooli nga Southamptoni për 85 milionë euro, e natyrisht se do të pritet shumë nga ai.

Por, gjërat që nga tani mund të mos jenë në favor të Maguires, duke u bazuar në statistikat që i kishte lojtari në sezonin e kaluar.

SunSport ka krahasuar statistikat e mbrojtësit të Leicesterit me ato që Shkodran Mustafi i kishte te Arsenali.

Në bazë të tyre, mbrojtësi shqiptar me nënshtetësi gjermane, del të jetë më i mirë se Maguire në shumë aspekte.

Maguire vs Mustafi

Ndeshje të zhvilluara: 31 – 31

Golat e pranuar: 40 – 40

Bllokimet: 18 – 17

Ndërprerje të aksioneve: 37 – 58

Ndërhyrjet: 31 – 62

Duelet e fituara: 17 – 45

Ndërhyrjet e suksesshme: 55% – 73%

Largimet nga zona e rreptësisë: 152 – 161

Largimet me kokë: 77 – 106

Duelet e fituara në zonë: 118 – 123. /Telegrafi/