NATO-s mund t’i duhet të luftojë Rusinë tani ose më vonë, thotë ish-shefi i lartë ushtarak britanik

Imponimi i zonës së ndalim-fluturimit mbi Ukrainë ka qenë një temë e diskutueshme ditët e fundit, dhe një temë që liderët perëndimorë kanë pasur një mendim kundër.

Megjithatë, një ish-shef i lartë ushtarak britanik ka thënë se ka ndryshuar mendimin e tij për këtë çështje dhe beson se një gjë e tillë mund të jetë e nevojshme, përcjell Telegrafi.

Lexo po ashtu Cilat janë tri opsionet e Putinit për t'i dhënë fund agresionit në Ukrainë?

Gjenerali Sir Chris Deverell, i cili ishte komandant i Komandës së Forcave të Përbashkëta deri në vitin 2019, shkroi në Twitter:

I have been against the imposition of a no fly zone by NATO in Ukraine, believing that it would surely escalate the conflict. But Putin seems hell bent on escalation. So the question is becoming: does NATO fight him now or fight him later? #SlavaUkraini #NATO #NoFlyZone

— Sir Chris Deverell (@chris_deverell) March 6, 2022

“Unë kam qenë kundër vendosjes së një zone ndalim-fluturimi nga NATO në Ukrainë, duke besuar se kjo me siguri do të përshkallëzonte konfliktin. Por Putini duket se është i prirur për përshkallëzim. Pra, shtrohet pyetja: a e lufton NATO (Putinin) tani apo e lufton më vonë?”.

Por ai tha se një zonë ndalim-fluturimi duhet të vendoset vetëm nëse Perëndimi është i gatshëm ta mbështesë atë me trupa tokësore.

Lexo po ashtu Ukraina pretendon se ka vrarë një tjetër gjeneral rus gjatë luftimeve në Kharkiv

Ai shtoi se Vladimir Putin i Rusisë ka të ngjarë të përgjigjet me kërcënime bërthamore, por se kërcënimet e tij ka të ngjarë të jenë të pakuptimta.

NATO ka thënë se nuk do të vendosë një zonë ndalim-fluturimi, duke thënë se kjo do të nënkuptonte kontakt të drejtpërdrejtë midis trupave të saj dhe forcave ruse – diçka që ka të ngjarë të përshkallëzojë krizën. /Telegrafi/