Natalie Portman fotografohet në plazh, mes thashethemeve se është ndarë nga burri pasi ai e ka tradhtuar

Natalie Portman dukej mahnitëse gjatë një xhirimi në plazh në Spanjë të mërkurën.

Aktorja fituese e çmimit “Oscar”, 42 vjeçe, ishte veshur një fustan të kuq të tejdukshëm dhe të kulluar me një dekolte të zhytur, teksa ecte zbathur në rërë përderisa xhironte një ekspeditë të re për markën “Dior”.

Ndërsa e rrethuar nga ekipi i prodhimit dhe xhirimet, ylli i “Black Swan”, e cila dukej e dëshpëruar teksa doli pa unazën e saj të martesës në Paris dy ditë më parë, ecte përgjatë bregut, shkruan DailyMail.

Në një moment, Portman ishte hedhur në ujë për të xhiruar dhe doli për t’u mbështjellë me një mantel të bardhë.

Për xhirimet, ajo dukej shkëlqyese teksa kishte një makijazh minimal në fytyrën e saj dhe ishte me flokë dredha të çrregullta.

Gjatë xhirimit, ajo u pa duke shkrepur shumë fotografi teksa vraponte përgjatë plazhit dhe spërkatej në ujë.

Mes orarit të saj të ngjeshur, Portman është përballur me probleme në martesën e saj 11-vjeçare me Benjamin Millepied për shkak të akuzave për tradhti.

Muajin e kaluar, u raportua se producenti francez, 46 vjeç, kishte një lidhje të dyshuar me aktivisten e ndryshimeve klimatike Camille Etienne dhe, si rezultat, dyshja spekulohet se do të shkojnë drejt ndarjes.

Që atëherë, si Portman ashtu edhe Millepied janë parë pa unazat e martesës teksa vazhdojnë të jenë bashkë prindër t֝ë dy fëmijëve të tyre.

Çifti shumëvjeçar ka djalin Aleph, 12 vjeç dhe vajzën Amalia, gjashtë vjeçe.

Në fillim të këtij muaji, ata u ribashkuan në kryeqytetin francez dhe u panë duke bërë një shëtitje me dy fëmijët e tyre.

Dyshja dukeshin të tensionuar, por dukej se po qëndronin përballë thashethemeve të shumta për problemet e tyre në martesë.

Në qershor, një gazetë franceze e quajtur “Voici” publikoi një shkrim shpërthyes që pretendonte se Benjamin kishte një lidhje me një aktiviste të klimës 25-vjeçare, të quajtur Camille Étienne. /Telegrafi/