Napoli ul çmimin për Koulibalyn, katër gjigantë evropianë janë vënë pas tij

Sipas La Gazzetta dello Sport, Napoli mund të shesë Kalidou Koulibaly për 50 milionë euro në verë me Liverpoolin, Barcelonën, Manchester Unitedin dhe Manchester Cityn që janë të interesuara për lojtarin.

Senegalezit do t’i përfundojë kontrata në qershor 2023 dhe presidenti i Napolit, Aurelio De Laurentiis mund të pajtohet ta shesë atë për 50 milionë euro në verë.

De Laurentiis zbuloi se ai kishte refuzuar një ofertë prej 100 milionë euro në 2019, por kjo ishte para pandemisë dhe çmimi i mbrojtësit tani duket se është ulur përgjysmë.

Sipas raportimeve, çmimi i kërkuar është 60 milionë euro, por Presidenti i Napolit përfundimisht mund ta shesë 29-vjeçarin për një shifër më të ulët.

Mbrojtësi dëshiron të largohet, ndërsa klubet që e duan janë: Barcelona, ​​Liverpool, Manchester United dhe Manchester City.

Mbetet të shihet nëse Kouliably do të ndryshojë mendje, pasi Napoli po lufton për një vend në Ligën e Kampionëve këtë sezon.

Skuadra e Gennaro Gattuso qëndron e pesta në renditjen e Serie A, vetëm dy pikë pas Atalanta, Milan dhe Juventus. /Telegrafi/