Myrto Uzuni shkakton trazira te Granada, refuzon të stërvitet pas ofertës së lartë nga MLS

Sulmuesi shqiptar, Myrto Uzuni ka shkaktuar trazira te Granada, duke refuzuar të stërvitet me ekipin deri në zgjidhjen e situatës së tij, pasi klubi spanjoll ende nuk i ka ofruar kontratë të përmirësuar dhe tashmë ka marrë një ofertë të lartë.

Në moshën 29-vjeçare dhe me një paraqitje të jashtëzakonshme, Uzuni prej kohësh kërkon të përmirësojë kontratën e tij me Granadën, një marrëveshje që nuk është arritur, duke e shtrënguar litarin deri në një situatë të paqëndrueshme që tashmë ka shpërthyer në ajër.

Sipas gazetës Marca, shqiptari ka në tavolinë një ofertë nga FC Austin në MLS. Skuadra amerikane do të ishte e gatshme të paguante rreth dhjetë milionë euro për të marrë shërbimet e sulmuesit beratas, paga e të cilit do të dyfishohej, duke i afruar një milion e gjysmë euro, ofertë kjo që duket e pakundërshtueshme.

Përballë kësaj situate, Uzuni vendosi të mos kthehet pas pushimeve dimërore dhe nuk pranoi të stërvitet, duke humbur ndeshjen ndaj Getafes, mungesë që do të përsëritet këtë të premte ndaj Burgos, siç konfirmoi trajneri Escriba në konferencën e mëparshme për shtyp.

🔥 Uzuni, que buscaba una mejora de contrato, tiene una oferta de la MLS y se niega a entrenar hasta que se resuelva su situación

🗣️ “No quiere entrenar con el equipo y si no entrena, no cuenta para mí”, ha dicho Fran Escribá, entrenador del @GranadaCF https://t.co/xdMEYGtzIH

— LaLiga Hypermotion +Fútbol (@MasFutbolMARCA) January 9, 2025

“Kur u kthyem nga pushimet ai erdhi dhe tha se nuk e shihte veten në gjendje të stërvitej dhe nëse nuk stërvitet nuk ka rëndësi. Ai vazhdon me atë pozicion që nuk dëshiron të stërvitet me skuadrën, nuk mund të detyroj askënd të stërvitet dhe nëse nuk e bëjnë, nuk e llogaris”, ka thënë Escriba.

Granada ka një zjarr në duart e saj që është e vështirë për t’u zgjidhur. Uzuni ishte referenca e madhe sulmuese e skuadrës dhe pa të ekipi e sheh potencialin e saj të zbehur.

Tani, Granada mund të pranojë ofertën e ‘shijshme’ të Austin dhe të kërkojë në treg përforcime cilësore ose të përpiqet të arrijë një marrëveshje me lojtarin, dy rrugë plot pengesa dhe pyetje. /Telegrafi/