Myftaraj i’u thotë ‘deve të Muhamedit’ votuesve shqiptarë në Maqedoni
Zgjedhjet në Maqedoni janë komentuar nga opinioni mbarë shqiptarë në Maqedoni, por edhe nga faktori ndërkombëtar. Nuk kanë munguar edhe komentet nga opinionistë nga Shqipëria. Kësaj radhe, opinionisti Kastriot Myftaraj dy shkrimet e tij të fundit i’a ka dedikuar situatës dhe procesit zgjedhor në Maqedoni, përcjell Telegrafi Maqedoni.
Myftaraj në njërin shkrim të tijin, figurativisht, thotë se zgjedhjet në Maqedoni treguan se shqiptarët e atjeshëm janë akomoduar me sjelljen politike të devesë, duke aluduar se devja është kafshë nënshtruese, ashtu siç shqiptarët ndoshta nënshtrohen sa herë që dikush kërkon.
Ai thotë se Zaevi arrit që përmes gazetarit Muhamed Zekirit të marrë aq shumë vota të shqiptarëve sa nuk kishin guxuar të ëndërronin partitë e mëdha sllavo-maeqedone. Sipas Myftaraj, Lëvizjen Besa e votuan shumë deve shqipfolëse.
Ai më tej shton se Menduh Thaçi, pasi u mendua në mënyrën e të menduarit të devesë, i dërgoi selam publik Bilalit duke i thënë se deputetët që partia e tij kishte fituar në zgjedhje i’a ofronte pa kushte Lëvizjes “Besa”.
‘Kur shkruaj kështu, nuk domethënë se mbështes BDI-në, pasi edhe kjo parti është akomoduar politikisht, në mënyrën e saj, me mendësinë e devesë. Lideri i kësaj partie, Ali Ahmeti e ka kuptuar atë që kërkojnë ndërkombëtarët (SHBA dhe Bashkimi Europian) nga kopeja e deveve shhipfolëse në Maqedoni. Ndërkombëtarët e dinë se shqiptarët e Maqedonisë janë pak shumë të gjithë deve shqipfolëse që u kënaqet shpirti nga arabishtja e Kuranit, prandaj parapëlqejnë si partner politik një parti që të jetë sa më pak religjioze islamike që të jetë e mundur. Kjo parti duhet të ulë shpinën ndaj maqedonëve sllavë, dhe si shpërblim njerëzit e saj do të ushqehen nga shteti. Kur t’ u duhet këtyre ndërkombëtarëve, të lëvizin shpinën në një rebelim deveje për t’ i hedhur përkohësisht në tokë sunduesit sllavo-maqedonë. Sot për sot e tillë është BDI. Prandaj sa kohë që rivali politik i BDI-së në politikën shqiptare në Maqedoni do të jetë një parti religjioze, aq kohë e ka BDI të siguruar qëndrimin në pushtet’, shkruan Myftaraj ndër të tjera.
Myftaraj poashtu në një shkrim tjetër ka komentuar takimin e djeshëm të Edi Ramës me kryetarët e partive politike shqiptare në Maqedoni, duke e ngritur çështjen nëse do të vendoset nga Edi Rama në Tiranë se cila parti e madhe maqedone do të jetë në pushtet në Shkup.
‘Nëse vendoset në Tiranë se cila nga dy partitë e mëdha maqedone do të jetë në pushtet, kjo gjë do të bëhet shkak për nisjen e një spiraleje rreziqesh të mëdha për shqiptarët e Maqedonisë. OBRM-PDUKM, partia nacionaliste maqedone, nuk do ta pranojë kurrë një gjë të tillë dhe do të bëjë gjithçka për të prishur marrëdhëniet e shqiptarëve me LSDM dhe posaçërisht Zaevin. OBRM-PDUKM ka shumë njerëz në polici dhe shërbimet e fshehta, ka forca paramilitare të kamufluara në lloj-lloj mënyrash. OBRM-PDUKM nuk do ta ketë të vështirë që të provokojë situata në të cilat do të ketë përplasje të përgjakshme mes shqiptarëve dhe forcave policore-ushtarake shtetërore maqedone’, shkruan Myftaraj në një shkrim tjetër në lidhje me situatën aktuale politike në Maqedoni.
Në fund Myftaraj thotë se duke e parasysh situatën e krizës së zgjatur politike mes vetë partive të mëdha maqedone, nuk është teprim të parashikohet se skenarët e rinj të përgjakshëm antishqiptarë, do të jenë më të këqinj se ai i Kumanovës në 2015, më të këqinj se “Monstrumi”, dhe me më shumë viktima shqiptare edhe se lufta e vitit 2001.
Myftaraj në fund pyet nëse do të vijnë pasojat e padëshiruara, për shqiptarët e Maqedonisë, a do të jetë në gjendje Kryeministri Rama të veprojë për t’ i ndalur ato? Është e qartë që jo.
Për më shumë lexoni në vijim shkrimet e plota të Kastriot Myftaraj të publikuara në Facebook. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit