Kryeministri i Kosovës, Isa Mustafa, i shoqëruar nga ministri i Financave, Avdullah Hoti, ministrja e Tregtisë dhe Industrisë Hykmete Bajrami, dhe kryetari i Komunës së Mitrovicës, Agim Bahtiri, kanë vizituar sot gjatë ditës disa nga bizneset e suksesshme të kësaj Komune.
Fillimisht, kryeministri ka vizituar Fabrikën për prodhimin e betonit “Burimi”, më pas atë të prodhimit të mobileve “Vali”, firmën projektuese-ndërtuese “Lin Projekt”, si dhe Fabrikën e Kërpudhave “Hirano Mushroom”.
Me këtë rast, kryeministri Mustafa vlerësoi lartë suksesin e këtyre bizneseve, që kanë arritur të eksportojnë edhe jashtë Kosove.
“Është fjala për biznese të cilat po arrijnë të eksportojnë produkte dhe të jenë të barabarta ndoshta edhe konkurruese shumë të forta në tregjet e Bashkimit Evropian dhe tregjet regjionale.
Ne jemi të interesuar që të përkrahim këto biznese”, tha kryeministri Mustafa.
Kryeministri Mustafa shprehu përkushtimin e Qeverisë që edhe më tutje të punoi në plotësimin dhe ndryshimin e politikave ekonomike e fiskale, për të fuqizuar edhe më tepër sektorin privat në Kosovë.
“Në rend të parë ajo që duhet të bëjmë është që të përkrahim bizneset private, të zhvillojmë sektorin privat, dhe kur ne e zhvillojmë atë, pastaj edhe sektori publik funksionon shumë më mirë”, theksoi kryeministri, transmeton Telegrafi.
Ministri i Financave, Avdullah Hoti, u shpreh i kënaqur me rezultatet e arritura nga masat e marra nga Qeveria.
“Mua më vjen mirë që këto masa në fakt po shihen çdo ditë në aktivitet të shtuar të biznesit në Mitrovicë dhe gjithandej”, tha ministri Hoti.
Nga ana e tij, kryetari i komunës, Agim Bahtiri, që njëherësh është ndërmarrës vet dhe njëri nga pronarët e Fabrikës së kërpudhave, bëri të ditur planin e tij për të ndërtuar edhe një fabrikë të tillë në Lipjan. Ai bëri të ditur se synon të ketë gjithsej 5 fabrika të tilla në tërë Kosovën.
“Po shpresojmë se do të bëjmë 5 fabrika në tërë Kosovën, dhe t’i tregojmë edhe shteteve tjera që edhe në dimë të prodhojmë. Këto fabrika kur të prodhojnë 50 ton, do të jenë 33 për qind eksporti i gjithë Kosovës”, tha kryetari Bahtiri. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Eksploro natyrën me veshjet e stilit taktik të Melodia Px
Evapify - Pasagjeri yt i përhershëm
Telegrafi Jobs, busulla jote për karrierë
Gjiganti zviceran “Lika Group” synon ta zbukurojë Prishtinën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë