Nënkryetarja e Prishtinës Besiana Musmurati ka njoftuar se është themeluar zyrtarisht Ekipi për të Drejtat e Fëmijës në Kryeqytet.
Sipas Musmuratit, ky ekip përbën hapin e parë drejt forcimit të bashkëpunimit ndërmjet institucioneve dhe zbatimit të iniciativave e projekteve në dobi të fëmijëve.
“Besoj se një qytet që është i jetueshëm për fëmijët është një qytet më i mirë për të gjithë”, ka shkruar ajo.
Musmurati ka theksuar se përpara janë planifikuar projekte dhe aktivitete që synojnë përmirësimin e mirëqenies dhe mbrojtjen e të drejtave të fëmijëve në Kryeqytet. /Telegrafi/
