LAJMI I FUNDIT:

Murati në 11 vjetorin e Pavarësisë: Të hiqet ndalesa për bashkimin me Shqipërinë

Murati në 11 vjetorin e Pavarësisë: Të hiqet ndalesa për bashkimin me Shqipërinë

Në urimin e tij për 11 vjetorin e Pavarësisë së Kosovës, kryetari i Lëvizjes për Bashkim, Valon Murati ka kërkuar që shumë shpejt të hiqen ndalesat për bashkim me Kosovën.

Në një postim në rrjetin social Facebook, Murati ka përmendur edhe marrëveshjen finale me Serbinë dhe bashkimin e Luginës me Kosovën.

“Bisedimet dhe kjo marrëveshje duhet të shfrytëzohen jo për t’u barrikaduar brenda parimeve të e Pakos së Ahtisaarit dhe kësaj kushtetute që kemi e as brenda parimeve të integritetit territorial, por të ecim tutje që të shfrytëzojmë rrethanat që përmes ripërcaktimit të kufijve me Serbinë të përfshijmë pjesën shqiptare të Kosovës Lindore në Kosovë, të ndryshojmë Kushtetutën e vendit nga e cila duhet të hiqen privilegjesh bllokuese për pakicën serbe, të hiqet ndalesa për bashkim me Republikën e Shqipërisë si dhe rrjedhimisht të hapet rruga e përcaktimit popullor për këtë bashkim dhe formën që duam të ketë ai”, ka shkruar Murati.

Postimi i plotë:

“Pavarësia e Kosovës është një e arritur e madhe e popullit shqiptar dhe një vlerë e shtuar lirisë universale të njerëzimit. Sidoqoftë për shkak të rrethanave ndërkombëtare dhe atyre të brendshme kjo pavarësi erdhi edhe me shumë kushtëzime dhe kufizime kushtetuese të cilat bëjnë që Kosova të eci vështirë përpara si të gjitha shtetet e tjera. Përkundër të gjitha këtyre, Kosova dhe populli ynë ka ecur, ndonëse jo me mundësitë objektive që ajo ka për të ecur përpara.

Na mbetet para nesh edhe një kapitull për ta mbyllur në mënyrë që në tërësi të funksionalizojmë shtetin tonë dhe ta bëjmë sovran në tërësinë e saj. Ky kapitull është marrëveshja me Serbinë. Bisedimet dhe kjo marrëveshje duhet të shfrytëzohen jo për t’u barrikaduar brenda parimeve të e Pakos së Ahtisaarit dhe kësaj kushtetute që kemi e as brenda parimeve të integritetit territorial, por të ecim tutje që të shfrytëzojmë rrethanat që përmes ripërcaktimit të kufijve me Serbinë të përfshijmë pjesën shqiptare të Kosovës Lindore në Kosovë, të ndryshojmë Kushtetutën e vendit nga e cila duhet të hiqen privilegjesh bllokuese për pakicën serbe, të hiqet ndalesa për bashkim me Republikën e Shqipërisë si dhe rrjedhimisht të hapet rruga e përcaktimit popullor për këtë bashkim dhe formën që duam të ketë ai.

Duke qenë të guximshëm të mbyllim këtë kapitull, ne do të hapim kapitujt e zhvillimit ekonomik, arsimit, shëndetësisë, mirëqenies dhe të luftimit të korrupsionit dhe krimit të organizuar si prioritete të jetës së përditshme. Rrjedhimisht ne do t’ia hapim derën edhe një gjenerate tjetër politikanësh, të cilët do të garojnë në mes vete me politika zhvillimore e nuk do mbesin përjetë në politike me agjenda populliste Sot sigurisht i kujtojmë edhe të gjithë dëshmorët dhe gjeneratat e tëra të popullit tonë që dhanë çdo gjë për lirinë që kemi sot, për pavarësinë që kemi dhe për bashkimin që do ta kemi nesër. Urime të gjithëve Dita e Pavarësisë së Republikës së Kosovës”, ka shkruar Murati. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori