Prindërit ankohen se nuk kanë kohë të merren me fëmijët, ndërkohë që në kopshtet nuk ka ushqim të llojllojshëm dhe cilësor, ndërkohë që të sigurohet ushqim cilësor dhe i shëndetshëm, Ministria e Arsimit dhe Shkencës ka menduar të aplikojë sanksione dhe mbikëqyrje të cilësisë së ushqimit në shkolla
Cilësia dhe mënyra e të ushqyerit janë faktorë të rëndësishëm në jetën e njeriut. Nga ajo çka mund të vërehet, njeriu modern i është ekspozuar praktikave aspak të përshtatshme të të ushqyerit dhe për pasojë sot në botë po shtohet popullata që ka probleme me mbipeshën, shkruan gazeta KOHA.
Në Maqedoni ka kohë që hetohet problemi i kequshqimit të fëmijëve të moshave 3-12 vjeçare. Ushqyerja e dobët ndikon jo vetëm në zhvillimin fizik, por edhe në nxënien e njohurive, shprehet përfaqësuesi i UNICEF-it, Benjamin Perks, dhe shton se duhet të promovohet ushqimi cilësor në shkolla si një kontribut i rëndësishëm në zhvillimin e përgjithshëm të fëmijës, që do ta ndalonte ciklin e brezave të kequshqyer.
Prindërit ankohen se nuk kanë kohë të merren me fëmijët, ndërkohë që në kopshtet nuk ka ushqim të llojllojshëm dhe cilësor. Të gjitha këto kanë ndikuar që fëmijët të mos kenë zhvillim normal, por përkundrazi mbipesha po bëhet pjesë e rritës së tyre, që në instancë të fundit ka pasoja për shëndetin.
Mjekët thonë se fëmijët duhet të inkurajohen për konsumimin e sasive të mjaftueshme të ushqimeve të pasura me vitamina, kripërave minerale, pa lënë pas dore asnjëherë frutat dhe perimet. Duhet të angazhohen prindërit dhe edukatoret që të shmangin gabimet më të shpeshta në ushqyerje të fëmijëve. Fëmijët duhet të mësohen të hanë në ushqim që nuk shkakton pasoja në zhvillimin e tyre.
“Mbesa ime është 6 vjeçare dhe shkon në kopsht, atje pjesërisht ushqehen shëndetshëm. Gjithmonë konsumojnë produkte me sheqer, dhe ajo e ka mendjen te ëmbëlsira. Sot fëmijët janë të padëgjueshëm, por edhe prindërit janë shumë të angazhuar me punë dhe lënë pas dore fëmijët. Po ashtu, mungesa e shprehisë së ngrënies në kohë, sipas një orari të caktuar si në shtëpi dhe në kopsht, është pakujdesi ndaj fëmijës”, thotë gjyshja Luljeta, për gazetën “Koha”.
Me mungesën e frutave dhe perimeve të freskëta dhe përbërësit në ushqime si kalcium, hekur dhe zink, si dhe produkte me shumë sheqer dhe kripë, përballen fëmijët në Maqedoni. Ky konstatim ka dalë nga një hulumtim që është bërë kohëve të fundit në Shkup, ku detektohen problematika të ndryshme të të ushqyerit që janë edhe sfidë globale. Pediatri Armir Haxhirexha thotë për gazetën tonë se në ciklin e jetës së fëmijëve, ushqimi cilësor luan rol të veçantë është shumë e rëndësishme që dieta që ata e marrin në shkollë, të jetë e larmishme dhe e pasur me vlera ushqyese.
Ndërkohë po përgatiten edhe ndryshimet legjislative që sanksionojnë moszbatuesit e rregullores për standardet e të ushqyerit në shkollat fillore. Por Mila Carovska, ministre e Punës dhe Politikës Sociale është e mendimit se Maqedonia si shtet është i varfër dhe një pjesë e familjeve nuk mund të ofrojnë ushqim të balancuar për fëmijët e tyre. Për këtë arsye, sipas saj, sistemi dhe shoqëria përmes kopshteve dhe shkollave duhet të plotësojë të paktën cilësinë minimale të ushqyerit, që fëmijët e konsumojnë për çdo ditë dhe MPPS po bën përpjekje për të rritur përfshirjen e fëmijëve në kopshte, dhe për të patur një vakt të duhur.
Që të sigurohet ushqim cilësor dhe të shëndetshëm, Ministria e Arsimit dhe Shkencës ka menduar të aplikojë sanksione dhe mbikëqyrje të cilësisë së ushqimit në shkolla. Ushqyerja e dobët ndikon jo vetëm në zhvillimin fizik, por edhe në nxënien e njohurive, shprehet përfaqësuesi i UNICEF-it, Benjamin Perks, dhe shton se duhet të promovohen ushqimi cilësor në shkolla ku edhe mund të çojë në një kontribut të rëndësishëm në zhvillimin e përgjithshëm të fëmijës dhe për të ndaluar ciklin e brezave të të në ushqyerit keq./koha.mk/
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert