Juventusi ka mbetur pa shumë lojtarë këtë sezon nën drejtimin e Massimiliano Allegrit, por rikthimi i Federico Chiesa mund të jetë pikërisht ajo që i nevojitet skuadrës për t'u rikthyer në krye.
Anësori 25-vjeçar italian qëndroi jashtë fushës për rreth 11 muaj pas këputjes së ligamentit të kryqëzuar të përparmë në një fitore ndaj Romës në janar.
Ai u detyrua të shikonte Italinë duke mos siguruar një vend në Kupën e Botës, pastaj edhe fillimin e dobët të sezonit të Juventusit, duke mos mundur të ndihmonte, por tani më në fund është gati të kthehet në aksion.
Chiesa luajti 16 minuta në humbjen e Juventusit në Ligën e Kampionëve ndaj Paris Saint-Germain në fillim të kësaj jave dhe ai do të shpresojë për minuta edhe në ndeshjen “Derby d'Italia” kundër Interit.
Anësori italian është i jashtëzakonshëm dhe vendimtar në vijën e sulmit në klubin nga Torino, duke qenë një figurë kryesore sulmuese në skuadrën e Allegrit.
Sezonin e kaluar, Chiesa realizoi një mesatare prej 4.27 goditjesh për ndeshje. Po ashtu ai kishte, 2.19 driblime të suksesshme, 2.81 pasime kyçe dhe 2.44 goditje në kuadrat, duke theksuar rëndësinë e tij te Juventusi.
Skuadra e Allegrit është dukur tepër e heshtur këtë sezon, duke i munguar ajo shkëndija krijuese e nevojshme për të nisur një sulm të rrezikshëm, por rikthimi i Chiesa do ta ndryshojë këtë.
Anësori ka treguar shembuj të panumërt të aftësisë së tij për të shpikur magji në fushë dhe paraqitjet e tij në Euro 2020 tregojnë se ai mund të luajë në ndeshjet e mëdha.
Edhe pse Juventusi ka mundësinë të ndërhyjë në janar duke përmirësuar skuadrën, asnjë lojtarë që mund të vije nuk do të ketë ndikim më të madh se Chiesa i rikthyer. /Telegrafi/
