LAJMI I FUNDIT:

A mund të gjykohet Naim Murseli në Suedi – juristët japin opsionet bazuar në ligjet e Kosovës

A mund të gjykohet Naim Murseli në Suedi – juristët japin opsionet bazuar në ligjet e Kosovës

Akoma zyrtarisht nuk ka kërkesë nga Suedia që Naim Murseli të gjykohet në shtetin e tyre.

Emri i Naim Murselit në javën e fundit në Kosovë është më i përmenduri. Kjo për faktin se i njëjti ka paguar e planifikuar vrasjen e gruas së tij 30-vjeçare, Liridona Ademaj.

Mirëpo për Naimin ngritën dyshime se do të mund të gjykohet në një vend tjetër jashtë Kosovës, kjo për faktin se ai përveç nënshtetësisë kosovare mban edhe pasaportë suedeze.

Mirëpo institucioneve të Kosovës deri më tash nga Stokhomi ende nuk ka ardhur zyrtarisht ndonjë kërkesë e tillë.

Por edhe nëse një kërkesë e tillë vjen, e njëjta duhet të refuzohet nga Kosova sipas ish-sekretarit të Ministrisë së Drejtësisë, Ardian Bajraktari.

“Në ligj përcaktohen rrethanat kur vepra penale kryhet në territorin e Republikës së Kosovës, atëherë është bazë e mjaftueshme për të mos e aprovuar ndonjë kërkesë eventuale për ekstradim. Andaj nëse do të vinte ndonjë kërkesë nga autoritetet suedeze në drejtim të institucioneve të Kosovës, e njëjta në bazë të ligjit do të duhej të refuzohej”, deklaroi bajraktari për RTV Dukagjinin.

Publikohet dokumenti i kërkesës për divorc i Liridonës dhe Naimit në Suedi
Lexo po ashtu Publikohet dokumenti i kërkesës për divorc i Liridonës dhe Naimit në Suedi

Madje avokati Arbër Jashari ka bindjen që gjykimi i të njëjtit do të zhvillohet në Kosovë, teksa vlerëson se Suedia as nuk do të ketë interes për transferim të Murselit.

“Unë konsideroj se do të gjykohet në Kosovës, për arsye se vepra penale është kryer në territorin e Kosovës. Poashtu hetimet janë zhvilluar këtu dhe procedura penale është më e lehtë këtu. Është edhe në interes të drejtësisë që kjo çështje që ka ndodhur në Kosovë, të kryhet edhe në aspektin ligjor në Kosovë”, deklaroi Jashari.

Ministria e Drejtësisë ka thanë për televizionin se Ligji në fuqi në Republikën e Kosovës e përcakton se ekstradimi nuk do të lejohet për veprat penale të kryera në tërësi në territorin e RKS-së, rrjedhimisht nuk do ta bëjnë një gjë të tillë.

Avokatja Loncari: Suedia mund të kërkojë ekstradimin e Naim Murselit
Lexo po ashtu Avokatja Loncari: Suedia mund të kërkojë ekstradimin e Naim Murselit

E vetmja informatë nga institucionet suedeze është një përgjigje e Ministrisë së Jashtme të cilët për Dukagjinin kanë thënë se janë të informuar me rastin e Liridona Ademajt

“Ministria e Punëve të Jashtme është në dijeni se një grua rreth të 30-ave ka vdekur në Kosovë më 29 nëntor. Të afërmit e saj janë njoftuar. Të gjitha pyetjet në lidhje me çdo hetim policor ia drejtojmë Autoritetit Policor Suedez ose policisë në vendin në fjalë. Ministria e Punëve të Jashtme në Suedi mund të konfirmojë se është duke trajtuar një rast konsullor që përfshin një familje suedeze në Kosovë. Dispozitat e fshehtësisë në çështjet konsullore parandalojnë zbulimin e çdo informacioni të mëtejshëm”, thuhet në përgjigjen e MPJ-së.

Të martën në Prishtinë u protestua ku u kërkua që drejtësia në rastin e 30-vjeçares nga Gjakova të mos mungojë.

Në trend Lajme

Më shumë
Arrestimi i kryeshefit të KRU

Arrestimi i kryeshefit të KRU "Gjakova", për çka po kërkohej Krasniqi nga INTERPOL-i

Drejtësi
Pas shkarkimit të Kryesuesit të Kuvendit, LVV e LDK në Prishtinë me ambicie për formimin e shumicës

Pas shkarkimit të Kryesuesit të Kuvendit, LVV e LDK në Prishtinë me ambicie për formimin e shumicës

Prishtina
Babë e bir që humbën jetën në Lushnjë, sot kishin nisur punën

Babë e bir që humbën jetën në Lushnjë, sot kishin nisur punën

Lajme
“Ma keni marr djalin prej gjinit, sot e ke hala bankën e djalit me lula”, reagon nëna e 15-vjeçarit të vrarë në Drenas

“Ma keni marr djalin prej gjinit, sot e ke hala bankën e djalit me lula”, reagon nëna e 15-vjeçarit të vrarë në Drenas

Elfije Boletini
Deputeti ukrainas: Njohja e Kosovës nuk do të ndodhë derisa Ukraina është në luftë me Rusinë

Deputeti ukrainas: Njohja e Kosovës nuk do të ndodhë derisa Ukraina është në luftë me Rusinë

Lajme
Osmani e Lajçaku takohen në Forumin e Antalias, diskutojnë për zgjedhjet në veri

Osmani e Lajçaku takohen në Forumin e Antalias, diskutojnë për zgjedhjet në veri

Lajme
Kalo në kategori