MSH-ja nga 2016-ta ka pranuar miliona euro donacione nga Serbia, Osmani: Pse janë mbajtur fshehtë

Kryetarja e Kuvendit të Kosovës, Vjosa Osmani sot ka bërë të ditur para deputetëve të Kosovës se është njoftuar përmes një letre nga stafi civil i Ministrisë së Shëndetësisë se nga viti 2016 MSH-ja nga shteti i Serbisë ka pranuar si donacion në vlerë dhjetëra miliona euro, barna, pajisje mjekësore dhe material medicinal.

Osmani bëri të ditur se letrën nga stafi civil i MSH-së e ka pranuar në cilësinë e kryetares së Kuvendit.

Lexo po ashtu Kosova pranon njëmijë teste për COVID-19 nga Serbia

“Do të ishte mirë si deputetët të Kuvendit të Kosovës të pyesim pse janë mbajtur fshehtë këto donacione nga Serbia prej dhjetëra milionash që nga viti 2016…”, tha Osmani.

Lexo po ashtu PDK: Qeveria Kurti gjunjëzoi Kosovën para Serbisë

Kryetarja e Kuvendit tha se do ta përkrah formimin e Komisionit hetimor rreth menaxhimit të pandemisë COVID-19.

Lexo po ashtu Haradinaj: Edhe me m’i ngjallë vëllezërit e vrarë, nuk kisha pranu ndihmë nga Serbia

“Do ta përkrahur formimin e këtij komisioni sepse është në interes të qytetarëve që kurdo që ka dyshim ndaj cilitdo deputet, e cilësdo parti politike që ne t’i japim besimin atij komisioni hetimor dhe në fund varet prej raportit që prodhohet çfarë vote do ta merr”, tha ajo. /Telegrafi/