Motra e Mariah Careyt e cila ishte e diagnostikuar me HIV kaloi ditët e fundit të jetës në kujdesin intensiv, pa mbështetjen e motrës së saj të famshme

Motra e këngëtares së famshme Mariah Carey, Alison, kaloi javët e fundit të jetës së saj në kujdesin intensiv, siç zbulon një mik i afërt i familjes.

Mariah Carey, këngëtarja e hitit ‘All I Want For Christmas Is You’, zbuloi të hënën se si motra e saj Alison, 63 vjeçe, ashtu edhe nëna e saj Patricia, 87 vjeçe, ndërruan jetë brenda disa orëve diferencë nga njëra-tjetra gjatë fundjavës që shkoi.

Ndërkohë që Mariah kaloi kohë me nënën e saj të moshuar përpara se ajo të ndërronte jetë, duket se ajo nuk kaloi kohë me motrën e saj, sepse nuk u pajtuan kurrë pas një marrëdhënieje të tensionuar që ka zgjatur për dekada, shkruan DailyMail.

Me zemër të thyer, Mariah tha të hënën: “Zemra ime është e thyer që kam humbur nënën time këtë fundjavë. Fatkeqësisht, në një kthesë tragjike të ngjarjeve, motra ime humbi jetën e saj në të njëjtën ditë”.

Alison ishte një ish-varëse e drogës që u diagnostikua me HIV (virusi i imunodefiçiencës humane) në vitin 1990 dhe kishte vuajtur nga episodet e rënda të shëndetit mendor, gjë që i largoi më shumë motrat nga njëra-tjetra.

Një mik i ngushtë dhe kujdestar personal i Alison, Dave Baker, tha se ajo kishte vuajtur nga problemet e organeve të brendshme dhe ishte në kujdesin intensiv për tri javët e fundit të jetës së saj.

Në vitin 2016, Alison i bëri një lutje të sinqertë motrës së saj të famshme përmes DailyMail, duke e lutur që të rregullonin marrëdhëniet e tyre dhe ta ndihmonte, sepse ishte në nevojë të rëndë për mbështetje financiare pas një sulmi të rëndë në shtëpi që e kishte lënë me plagë të trurit dhe të sëmurë rëndë.

Në vitin 2020, Mariah pretendoi në librin e saj të kujtimeve se Alison, e cila e përshkroi si ‘të trazuar dhe të traumatizuar’, kishte tentuar ta shiste atë te një burrë që jepte para për shërbime të prostitucionit.

Alison e paditi Mariah për 1.25 milion dollarë, duke pretenduar se përdori çështje familjare për të promovuar shitjet e librit dhe i shkaktoi ‘goditje të madhe emocionale’.

Morgan, vëllai i Mariah dhe Alison, tha se ishte e dhimbshme ta shihte motrën e tij të vogël të ‘zbresë në këtë rënie deluzionale me urrejtje’.

Në një video të vitit 2015 të siguruar nga DailyMail, Alison tregoi se ishte koshiente për vendndodhjen dhe rrethanat e saj dhe kërkoi heqjen e urdhrit të mos-reanimimit nga dosja e saj. /Telegrafi/