Moti i ligë kaplon Italinë, humbin jetën 11 persona (Foto/Video)

Numri i viktimave nga moti i ligë që dy ditët e fundit ka prekur Italinë është rritur në 11.  Dy persona kishin humbur jetën kur një pemë gjigante ra mbi veturën në të cilën gjendeshin në pjesën jugore të Romës, ka njoftuar Kryqi i Kuq.

Në Teracin jolarg Romës një person tjetër ka humbur jetën, dhe një ka pësuar lëndime të rënda trupore kur një pemë tjetër ra mbi veturën që ishte duke lëvizur. Viktima tjera ka pasur në qytetin Saint Nicola la Strada jolarg Napolit, transmeton Telegrafi.

Në Savon rrugës për në spital një grua ka humbur jetën pasi u lënduar rëndë, kur një mjet i fortë që e kishte hedhur era e fortë në një lartësi qindra metra ra mbi kokën e saj.

Në gjashtë rajone të Italisë është ndezur alarmi për shkak të erërave të fortë dhe shirave të rrëmbyeshëm, kurse vendet që janë prekur më së shumti janë Lombardia, Veneto, Liguria dhe Abruco, ku shpejtësia e erërave arrin në 100 kilometra në orë.

Në shumë qytete përfshirë Romën dhe Napolin, mësimi është ndërprerë, kurse sektori civil për mbrojtjen e qytetit të Romës ka paralajmëruar qytetarët që të reduktojnë lëvizjet për shkak të motit të ligë, duke njoftuar se gjatë orëve të ardhshme pritet të përkeqësohet edhe më shumë moti.

Si rezultat i rritjes së nivelit të ujit nga shirat e rrëmbyeshëm edhe transporti hekurudhor është ndërprerë përkohësisht, kurse rrugët që qojnë drejt kufirit Itali-Austri janë të pakalueshme. /Telegrafi/

https://www.youtube.com/watch?v=D2ohmOixqrU