Mos u nisni për Gjermani, nëse nuk keni dëshmi se jeni negativ me COVID-19

Qendra Kombëtare për  Menaxhimin Kufitar ka njoftuar se të gjithë ata që synojnë të udhëtojnë në Gjermani duhet të ken një rezultat negativ të testit për Covid-19, jo më të vjetër se 48 orë.

Në njoftim thuhet se Qeveria gjermane vendosi në 22 janar, ka shtuar 25 vende në listën e saj të vendeve me rrezik të lartë në lidhje me Covid-19 në mesin e tyre edhe Kosovën.

“Vendimi do të botohet më vonë këtë pasdite dhe hyn në fuqi këtë të diel (24 janar) në orën 00.00. Të përfshira rishtazi në këtë listë janë SHBA, Sllovenia, të gjitha vendet Baltike, të gjashtë vendet e Ballkanit Perëndimor, si dhe disa vende në kontinentet e tjera”, thuhet në njoftim, transmeton Telegrafi.

Më tej në njoftim thuhet se udhëtarët nga këto vende, përfshirë Kosovën, duhet të paraqesin një rezultat negativ të testit, jo më të vjetër se 48orë, ose të një testi PCR ose të disa llojeve të testeve të antigjenit, gjatë mbërritjes në Gjermani.

Kjo masë ka për qëllim të zvogëlojë numrin e udhëtarëve të infektuar nga coronavirusi që hyjnë në Gjermani. /Telegrafi/