Momenti kur një amerikane zbulon se një i panjohur kishte jetuar nën shtëpinë e saj për muaj të tërë – filmon momentin e arrestimit të tij nga policia

Një grua nga Kalifornia e ka shpërndarë momentin e frikshëm kur ajo zbuloi se një i panjohur në mënyrë të fshehtë kishte jetuar “për muaj të tërë” nën shtëpinë e saj.

Ashly Guardino filmonte teksa policia erdhi ta hetonte rastin – pasi ajo ishte zgjuar herët në mëngjes nga zhurmat rreth shtëpisë së saj.

Në videon e postuar në TikTok – e cila deri tani ka marrë mbi 6 milionë shikime – Guardino tha se ajo ishte zgjuar në 6 të mëngjesit, duke menduar se dikush po ngjitej në kulm, raporton Daily Mail, transmeton Telegrafi.

@ashlyguardino♬ original sound – Ashlyguardino

Ajo bëri të ditur se e kishte nxjerrë kokën për të shikuar jashtë derës së përparme duke e parë një dorë e cila dilte nga një vrimë anash shtëpisë së saj në Lake Elsinore të Kalifornisë.

Ajo deklaroi se kishte thirrur policinë menjëherë, dhe e tmerruar ndjekësve u thoshte: “A e dini se sa e frikshme është të shihni një dorë duke dalë nga kjo vrimë?”.

Kreatorja e TikTok pastaj shikonte ndërsa oficerët e policisë erdhën për hetim përpara se ta arrestonin një burrë për të cilin ajo tha se kishte jetuar nën dyshemenë e saj “për muaj të tërë”. /Telegrafi/