Momenti i frikshëm: Kamioni i çimentos përplaset me autobusin e shkollës në një autostradë të Teksasit, dy të vdekur

Është publikuar një video e tmerrshme që tregon momentin kur një kamion çimentoje në Teksas u përplas me një autobus shkolle të mbushur me nxënës që ktheheshin nga një udhëtim në kopshtin zoologjik.

Si pasojë, raportojnë mediat e huaja, përcjell Telegrafi, vdekjen kanë gjetur një djalë dhe një burrë.

Dhe pamjet, tregojnë kamionin e çimentos që përshkon vija të dyfishta të verdha dhe përplaset pothuajse kokë më kokë me autobusin, duke bërë që autobusi të përmbyset.

Pak para përplasjes, dikush mund të dëgjohet duke bërtitur dhe, ndërsa autobusi bie në tokë, një “top zjarri” duket se shpërthen ndërsa mbeturinat e përplasjes mund të shihen duke fluturuar përreth.

Watch the latest video at foxnews.com

Ngjarja vdekjeprurëse ka ndodhur rreth orës 14:00 pranë Autostradës Shtetërore të Teksasit, një autostradë rurale jashtë Austin, raportoi FOX Austin.

Autobusi i shkollës po transportonte më shumë se 40 nxënës nga shkolla fillore Tom Green, të cilët po ktheheshin nga një ekskursion në kopshtin zoologjik, shumë prej të cilëve u plagosën gjithashtu.

Aksidenti mbetet nën hetim – autoritetet nuk kanë thënë se sa shpejt po udhëtonin automjetet ndërsa ndaj shoferit të kamionit të çimentos nuk është ngritur asnjë akuzë. /Telegrafi/