Modelja britanike Cara Delevingne përjetoi një situatë mjaft të sikletshme në Javën e Modës në Paris, ku nuk u njoh kur mbërriti në sfilatën e modës, kështu që iu desh të priste në radhë, duke bërë që të humbiste durimin.
Delevingne mbërriti në sfilatën e modës Stella McCartney dhe, sapo mbërriti, u prit nga një radhë për të hyrë. Ndërsa rojet skanonin kodet QR të pjesëmarrësve për të hyrë në sfilatë, Cara u përpoq të "shtynte" përpara.
Ajo u kthye nga gruaja që ishte përgjegjëse për të lejuar hyrjen dhe tha me padurim: "Do të hyj brenda, kjo po bëhet çmenduri".
Punonjësja nuk e njohu në fillim, kështu që Cara u detyrua të qëndronte me të tjerët dhe t'i tregonte kodin QR, gjë që e bëri edhe më nervoze. Më në fund, ajo e njohu dhe e lejoi të hynte në event.
Njohja e saj u pengua më tej nga fakti që ajo mbante syze dielli që i mbulonin fytyrën.
Pamjet e momentit u bënë virale në mediat sociale, me një nga klipet vetëm në Twitter që tërhoqi një milion shikime.
Më parë, Delevingne ishte një nga yjet e sfilatës së modës L'Oreal në Javën e Modës në Paris, e veshur me një fustan të zi transparent me dantella.
Ajo së fundmi tërhoqi vëmendjen me paraqitjen e saj në tapetin e kuq të Festivalit të Filmit në Kanë, kur ndryshoi ndjeshëm imazhin e saj dhe i zëvendësoi flokët bjonde me flokë të zinj me balluke të shkurtra. /Telegrafi/
