MIZA

Prej Bono Vox-it (kanga “The Fly” e grupit U2, albumi “Achtung Baby”, 1991)
E përkthyeme prej Agron Shalës

S’âsht fshehtsi qi meteorat bien prej qielli
S’âsht fshehtsi qi bota jonë sot âsht n’errësirë
Ata thonë qi Dielli prej Hanës ndojhere errësohet
E ti e di qi unë ty s’t’shoh kur n’dhomë futet ajo

S’âsht fshehtsi qi shoku âsht ai qi ndohjere t’lejon me e ndihmue
S’âsht fshehtsi qi rrenci s’do kujt me i besue
Ata thonë qi fshehtsi asht ajo qi ti ia thue tjetrit n’besë
E pra ti djalë, unë po t’kallxoj

Njeri ka me lutë (Dashni, na po shndritim si)
Njeri ka me u zvarrit (Meteori n’flakë)
Përballë ftyrës s’tejdukshme t’dashnisë (Po biem prej)
Si nji mizë n’mur (Qielli … sonte)
Nuk asht hiç fshehtsi

S’âsht fshehtsi qi ndërgjegjja ndojhere âsht bela
S’âsht fshehtsi qi synimi i kafshon thojt e t’arritunave
Çdo artist âsht kanibal, çdo poet âsht hajn
Krejt e vrasin frymëzimin e për dhimbjen knojnë

Njeri ka me u ngrit (Dashni, na po shndritim si)
Njeri ka me ra (Meteori n’flakë)
Përballë ftyrës s’tejdukshme t’dashnisë (Po biem prej)
Si nji mizë n’mur (Qielli … sonte)
Nuk asht hiç fshehtsi

Dashni, na po shndritim si meteori n’flakë
Po biem prej qielli … sonte

Njeri ka me u ngrit (Dashni, na po shndritim si)
Njeri ka me ra (Meteori n’flakë)
Përballë ftyrës s’tejdukshme t’dashnisë (Po biem prej)
Si nji mizë n’mur (Qielli … sonte)
Nuk asht hiç fshehtsi

S’âsht fshehtsi qi meteorat bien prej Qielli
Gjithsia po shpërthen për shkak t’rrenës së nji njeri
Ngo ti se mue m’duhet me shku, po, se prej ndryshimit u shtera
E janë shumë sene qi ma mirë i kisha bâ, veç me pasë mujt