Presidenti i Kosovës, Hashim Thaçi, në mars të këtij viti, kishte dekoruar profesorin ndërkombëtarë, Otto von Feigenblatt, me titullin “Ambasador Nderi” i Kosovës.
Thaçi i cili ka dekoruar edhe shumë personalitete të tjera, për profesorin Otto von Feigenblatt ka thënë se është një mik i madh i Kosovës dhe ka shtuar se “tash si ambasador nderi do ta promovojë edhe më shumë Kosovën në botë”.
Por siç duket, Presidenti Thaçi nuk ka ditur se kënd e ka dekoruar “Ambasador Nderi” të Kosovës, pasi personi nën petkun e “Ambasadorit”, ka shpërndarë çmime presidencial Lifetime Achievement Award, të nënshkruara nga presidenti Donald Trump, si dhe çmime të tjera, për të cilat nuk është në dijeni as Ambasada amerikane në Kosovë, si përfaqësuese e shtetit.
Me 18 mars të këtij viti, profesori Otto von Feigenbaltt, sëbashku me shtetasin e Shqipërisë, Arian Galdinin, i kanë dhënë mirënjohje në emër të Presidentit të SHBA-së, Donald Trump, gazetares Ramize Murtezi – Shala, për siç thuhet “kontributin e saj të madh në sferën e mbrojtjes së të drejtave dhe lirive të njeriut dhe për vetëdijesimin e qytetarëve dhe institucioneve për probleme të shumta sociale”.
Për këtë, Telegrafi kishte dërguar pyetje Ambasadës amerikane në Prishtinë me 22 mars, për të kuptuar nëse ambasada është e njoftuar lidhur me ndarjen e çmimeve të tilla nga shteti amerikan.
Me një përgjigje të shkurtër, Ambasada i ka thënë Telegrafit se nuk dinë asgjë nëse Presidenti Trump, të ketë ndarë ndonjë mirënjohje të tillë.
“Ambasada Amerikane në Prishtinë, nuk ka njohuri lidhur me këtë”, thuhet në përgjigjen e tyre.
Ndërkohë, tre muaj më vonë, pikërisht i njëjti person ka ndarë një çmim të ngjashëm edhe për kryetarin e Gjilanit, Lutfi Haziri, për siç thuhet “për angazhimin e jashtëzakonshëm në shërbim të qytetarëve dhe interesit publik”, si dhe një tjetër çmim, deputetit të LDK-së Naser Rugova. Madje deputetit Rugova i është dhënë çmimi Kentucky Colonel.
Nëse kërkohet në internet, kupton se ky çmim jepet vetëm për shtetasit amerikanë të cilët është parë se kanë shërbyer individualisht dhe publikisht, në avancimin e shtetit të Kentucky-t.
Lidhur me këtë, Telegrafi ka kontaktuar deputetin e LDK-së, Naser Rugova i cili ka thënë se çmimi që i është ndarë nga shteti i Kentucky-t, është real dhe për këtë siç ka thënë ai, mund të kontaktohet direkt me autoritetet për vërtetësi.
“Po, jam në dijeni për këtë. Mirënjohja që më është ndarë, ka numër reference. E gjithë kjo është pluhur pa mbulesë”, ka thënë Rugova.
Ndërkaq, në disa fotografi që ka siguruar Telegrafi, dy profesorë që kanë dhënë mirënjohjet, Otto von Feigenbaltt si dhe shtetasi i Shqipërisë, Arian Galdini, shihen me Kryetarin e Komunës së Gjilanit, Lutfi Haziri, deputetin e LDK-së, Naser Rugova si dhe djalin e ish Presidentit, Ibrahim Rugova, Ukën.
Telegrafi mëson se “profesori” Arian Galdini, i cili është edhe referues i çmimeve të dhëna në Kosovë, ka shpërndarë çmime të tilla edhe në Shqipëri e Maqedoni./Telegrafi
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë