… dhe deri tani nuk keni pasur kë ta pyesni – në vijim po ju japim përgjigjet për dilemat e shumta lidhur me mirëmbajtjen e mobilieve, disa këshilla dhe sugjerime se si mobiliet të qëndrojnë shumë
Pa marrë parasysh prej çfarë materiali janë ndërtuar, mobiliet cilësore mund të ruajnë bukurinë dhe shkëlqimin, nëse mirëmbahen drejt dhe kështu u zgjatet jeta, transmeton Telegrafi.
Si të mirëmbahen mobiliet e thurura
Mobiliet e thurura është e nevojshme të pastrohen me thithëse pluhuri. Në këtë mënyrë eliminohen të gjitha ndyrësirat dhe pluhuri nga vrimat dhe çarjet. Mobiliet e këtilla rëndom janë edhe të lyera me llak të shndritshëm, andaj nuk bën të fërkohen shumë, sepse mund të gërvishten.
Nëse karrigia e thurur duket sikur të jetë e tharë apo sikur do të mund të pëlciste, duhet fërkuara anën e jashtme me lëvore limoni.
Me përzierje të mjeteve për pastrim të enëve në ujë me një sasi të vogël lëng limoni përftohet mjeti për pastrimin e mobilieve të thurura. Me këtë mjet mobiliet duhet ngadalë të pastrohen.
Si të mirëmbahen mobiliet nga druri
Është me rëndësi që mobiliet të pastrohen mirë, sipas nevojës, të fshihen me leckë të njomë dhe patjetër duhet të thahen.
Gjurmët e ujit të cilat janë bërë nga gotat apo vazoja, lyhen me majonezë dhe lihen gjatë tërë natës, ndërkaq në mëngjes fshihen me leckë të butë. Nëse edhe pas kësaj ka mbetur gjurmë e vogël nga uji, përzihet glicerina me shpuzën e cigares. Me këtë përbërës fërkojmë pjesën e dëmtuar.
Njollat nga yndyrat patjetër duhet të pastrohen menjëherë, sepse në të kundërtën marrin ngjyrë të errët dhe kështu lënë dëmtime të përhershme. Yndyra patjetër duhet të thithet me peshqir letre dhe pastaj atë pjesë duhet njomur me uthull të pastër të pakoncentruar. Dhe, në fund, me leckë të njomur fshijeni pjesën e dëmtuar të drurit. Mobilia e pastruar mirë mund të polirohet me dyllë, në mënyrë që të marrë shkëlqim të mirë dhe të mbrohet nga uji dhe pluhuri.
Mobiliet nga pisha mjafton të polirohen me dyllë blete, sepse kërkojnë kujdes të madh. Shkëlqimi i arritur më pastaj mund të mbahet me leckë të lagur me përzierje të uthullës dhe parafinës.
Mobiliet nga bungu mirëmbahen me ndihmën e kësaj përzierjeje: në një sasi të vogël të tretur të dyllit të bletëve shtohen 250 ml birrë dhe dy lugë të vogla sheqer. Me këtë lyhen mobiliet, dhe pasi të teren polirohen me lëkurë dreri.
Si të mirëmbahen mobiliet e lëkurës
Pastrimi i mobilieve të lëkurës duhet bërë me shumë kujdes. Para pastrimit të mobilieve të lëkurës patjetër duhet lexuar udhëzimin e prodhuesit. Lëkura mund të jetë e ngjyrosur me ngjyra ose me pigmente të posaçme. Nga lëkura e ngjyrosur nuk është e mundshme të pastrohen njollat e të mos ndodhë ndonjë dëmtim, ndërsa te lëkura e ngjyrosur me pigmente të posaçme, pastrimi i njollave është i mundshëm.
Mirëmbajtja e rregullt e mobilieve të lëkurës nënkupton eliminimin e pluhurit, thithjen e pluhurit me thithëse nëpër kënde dhe fshirje me leckë të butë, të thatë apo të njomur, transmeton Telegrafi.
Gabimi më i shpeshtë që bëhet gjatë mirëmbajtjes së mobilieve të lëkurës është përdorimi i tepruar i ujit dhe i sapunit për pastrim. Kjo gjë assesi nuk bën të bëhet, sepse shkatërron sipërfaqen dhe shpejton procesin e çarjes së lëkurës. Nuk bën të përdoren mjete të forta dhe agresive për pastrim, siç është amoniaku, sepse nga to lëkura humb shkëlqimin.
Madje edhe nëse ekziston njolla në mobilie, gjatë pastrimit duhet përdorur sa më pak ujë dhe nuk duhet lejuar që uji të mbetet në sipërfaqe. Lëkura është e mundshme të zbutet në këtë mënyrë: përzihet vaji i ullirit dhe vaji i lirit me uthull rrushi të bardhë. Kjo përzierje hidhet në leckë të njomur. Lecka lihet të thahet dhe pastaj me leckë të tharë fërkohen mobiliet e lëkurës.
Freskia e mobilieve të lëkurës varet nga mënyra e përdorimit. Lëkura nuk bën t’i ekspozohet drejtpërdrejt diellit dhe nxehtësisë së koftorit apo të lihet në afërsi të burimeve të tjera të nxehtësisë.
Për pastrimin e kolltukëve të lëkurës përdoret edhe birra. Në një leckë pambuku hidhni disa pika birre dhe pastroni si zakonisht. Do të shkëlqejnë si të reja. /Telegrafi/
Lufta Prigozhin - Putin
Më shumëNga Rubrika
Si kultivohen gladiolat: Lulet të gjata, të cilat zbukurojnë kopshtet më të bukura
Trajneri i Taylor Swift ndan sekretet e saj të fitnesit për të ushtruar si ‘atlete profesioniste’
Bëhuni gati për një enigmë që do t’ju lodhë: A mund ta “thyeni kodin” në 25 sekonda?
Top pesë pozicionet në shtrat që femrat nuk mund t’i imagjinojnë!
A e keni ditur se për çfarë shërben pjesa metalike në letrën e sallamit, kjo video po bën xhiron në internet
Horoskopi vjetor 2024 - një kohë e fillimeve dhe mundësive të reja!
Zbulohen qytetet me erën më të mirë në Evropë. I pari është ndër më të vjetrit në botë
Makina larëse harxhon dy herë më shumë energji elektrike për shkak të një gabimi që bëjmë
Demi: Horoskopi vjetor për 2024
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën