Ministria e Transportit sërish me apel: Qytetarët të përmbahen nga rezervimi i biletave

Vendimi për mbylljen e Aeroportin Ndërkombëtar të Shkupit dhe Aeroportin në Ohër është ende në fuqi, qytetarët duhet të përmbahen nga blerja e biletave të avionëve, apelojnë sërish nga Ministria e Transportit dhe Lidhjeve.

“Derisa të merret një vendim tjetër, aeroportet do të mbeten të mbyllura për transportin e pasagjerëve dhe trafiku ajror do të pezullohet. Ky vendim nuk vlen për fluturimet shtetërore, ushtarake, spitalore, humanitare dhe për avionët transportues pa pasagjerë. Duke pasur parasysh situatën me virusin Covid-19, në këtë pikë nuk mund të parashikohet kur do të normalizohet dhe kur do të rinis transporti i pasagjerëve”, thuhet në deklaratën e Ministrisë.

Autoritetet apelojnë deri tek të gjithë qytetarët që të mos i ekspozohen shpenzimeve shtesë duke prenotuar bileta për fluturim me avion, derisa të informojnë se udhëtimet do të mund të realizohen pa probleme.

“Prandaj, qytetarët duhet të ndjekin vazhdimisht të gjitha informacionet e publikuara nga Qeveria e Republikës së Maqedonisë së Veriut, ministritë dhe institucionet përkatëse duke i’u përmbajtur masave dhe rekomandimeve të miratuara”, thuhet në deklaratë.