Ministrat evropian të Financave kundër Libras dhe kriptovalutave të ngjashme

Kriptovalutat si Libra nuk duhet të lejohen të hyjnë në Evropë derisa rreziqet që mund të kenë ato duhet të adresohen qartësisht. Kështu thanë ministrat evropianë të Financave.

Lëvizje konfirmon qëndrimin e ashpër të bllokut ndaj Libras, e cila ka tërhequr kritika të shumta nga rregullatorët botëror rreth ndikimit që mund të ketë ndaj sistemit financiare.

“Asnjë stablecoin [kriptovaluta që e mbështesin vlerën e tyre në para tradicionale] botëror nuk duhet të nisë aktivitetin në Bashkimin Evropian derisa sfidat ligjore, rregullatore dhe rreziqet të jenë identifikuar dhe adresuar”, thanë ministrat në një deklaratë të përbashkët, përcjell Telegrafi.

Nën presionin e rregullatorëve të vendeve të ndryshme të botës, një e katërta e mbështetësve kryesor të Libras përfshirë gjigantët e pagesave si Visa dhe MasterCard janë tërhequr nga projekti në muajin tetor.

Ministrat Evropian kërkuan që BE të rregullojë asetet e kriptovalutave. Gjithashtu ata përshëndetet punën e Bankës Qendrore Evropiane për të ndërtuar një monedhë dixhitale publike. /Telegrafi/