Mimoza Mustafa i rikthehet muzikës, tashmë edhe një grua e skusesshme në biznes (Foto)

Këngëtarja Mimoza Mustafa ka qenë shumë e pëlqyer në kohën kur e zhvilloi shumë karrierën e saj, edhe pse këngët e saj u memorizuan gjithnjë nga publiku.

Por, ka mbi pesë vite që këngëtaren nuk e kishim parë të ishte pjesë e ndonjë projekti muzikor, kjo për arsye se ajo ishte përkushtuar më shumë rreth familjes së saj.

Së fundmi, ajo ka qenë e ftuar në një intervistë për emisionin “Prive”, ku ka rrëfyer për pauzën e saj të gjatë në muzikë duke thënë se arsyeja se pse ka ndodhë kjo, ka qenë angazhimi maskimal në familje.

Megjithatë, fansat duhet të bëjnë vetëm edhe pak durim, pasi shumë shpejt ajo do të vijë me projektet më të reja muzikore, të cilat nuk do të jenë të pakta në numër.

Këngët që do të lansojë këngëtarja janë gjithsej tri, njëra do të publikohet brenda pak javësh, gjersa para festave të fundvitit do të vijë edhe një bashkëpunim me Shkumbinin.

Kënga e saj e fundit është rezervuar për në janar të vitit të ardhshëm.

E pyetur nga gazetari për praninë e vajzës së saj në media, Rozafës, e cila është shquar nga mediat si një ndër fëmijët më joshës të yjeve, Mimoza u përgjigj duke i thënë se i vjen mirë për këtë fakt, gjersa është shprehur se me raste është pak rigoroze.

Ajo gjithashtu ka treguar se tani e tutje do të vijë edhe si një sipërmarrëse, pasi në verën që shkoi ka kryer shkollimin për grim dhe mendon që shumë shpejt të nisë një biznes në drejtimin e kësaj fushe. /Telegrafi/