Milani rikthen Higuainin te Juventusi?

Milani mund të rikthejë Gonzalo Higuainin përsëri në Juventus verën e ardhshme për arsye ekonomike.

Sipas mediumit italian Corriere dello Sport, ‘shanset janë të larta’ që Higuain do të largohet nga Milani në fund të sezonit.

Rossonerët i paguan Juventusit 18 milionë euro për të nënshkruar me El Pipitan në huazim gjatë verës dhe ranë dakord për një blerje prej 36 milionë eurosh.

Lexo po ashtu Higuain: Juventusi më largoi pa dëshirë, Ronaldo shkaktari kryesor

Megjithatë, për shkak se kontrata e tij në San Siro do ta lidhë atë deri në vitin 2021, gazeta thotë se Rossonerët do të merrnin një goditje prej 37 milionësh në buxhetin e tyre.

Kjo vjen në kontrast të thellë me Lucas Paqueta, marrëveshja e të cilit është strukturuar në një mënyrë që ai do të kushtonte vetëm nga shtatë milionë euro për pesë vjet.

Duke pasur parasysh rëndësinë e tij për trajnerin Gennaro Gattuso, Il Corriere pret që drejtori i ri, Ivan Gazidis, të përpiqet të negociojë një çmim më të ulët me Zonjën e Vjetër së pari.

Lexo po ashtu Higuain dënohet me dy ndeshje

Ai ka shënuar shtatë gola në 13 paraqitje për Rossonerët deri tani këtë sezon, por është larguar me kartonë të kuq kundër klubit të tij mëmë dhe u dënua me dy ndeshje.

Ndërkohë, Milani është i vendosur të mësojë nëse Higuainit do t’i hiqet dënimi për ndeshjen e dytë për të qenë i gatshëm për vizitën e tyre në Parma më 2 dhjetor. /Telegrafi/