Mikel Arteta ‘shpërtheu’ ndaj dy lojtarëve të Arsenalit në ndeshjen ndaj Brighton

Arsenali lëshoi pikë në garën për titullin e Ligës Premier dhe Mikel Arteta ‘shpërtheu’ ndaj dy lojtarëve të tij gjatë barazimit me rezultat 1-1 ndaj Brightonit. 

Pas përfundimit të asaj ndeshje, Arsenali e gjeti veten pesë pikë mbrapa liderit Liverpoolit, me të besuarit e Arne Slot që kanë dy ndeshje më pak. 

Liverpooli mund ta zgjerojë epërsinë e tyre në rast fitoreje ndaj Manchester United në ‘Anfield’. 

Dy lojtarë të cilët luajtën titullar në këtë takim ishin Thomas Partey, i cili e nisi si mbrojtës i djathtë dhe Gabriel Jesus që operoi në qendër të sulmit. 

Por që të dy lojtarët morën kritika të mëdha nga trajneri Arteta pas përfundimit të pjesës së parë ndaj Brightonit. 

Gazetari Ryan Taylor, i cili punon për Daily Mirror dhe ishte ulur mbrapa Artetas në atë ndeshje, e përshkroi momentin kur tekniku spanjoll kritikoi Partey dhe Jesus për pasime të gabuara dhe për faktin se nuk ushtruan presion. 

“Isha i ulur mbrapa Mikel Artetës dhe ai ishte absolutisht i nervozuar gjatë tërë pjesës së dytë. Shpërtheu ndaj Thomas Partey dhe Gabriel Jesus për faktin se dështuan të ushtrojnë presion”. 

“Standardet e Arsenalit ranë në pjesën e dytë dhe zëvendësimet e Brighton e deshën fitoren më shumë”, ka shkruar Taylor./Telegrafi/