Mikel Arteta identifikon lojtarin që i duhet në janar për t’u shpallur kampion me Arsenalin

Mikel Arteta raportohet se ka identifikuar transferimin e parë të janarit pas barazimit të Arsenalit me rezultat 1-1 ndaj Fulhamit. 

Ky barazim la ‘Topçinjtë’ në pozitën e tretë në Ligën Premier, teksa ata janë tashmë gjashtë pikë mbrapa liderit Liverpoolit, me këta të fundit që kanë një ndeshje më pak pasi derbi ndaj Evertonit të shtunën ishte shtyrë. 

Në të njëjtën fazë sezonin e kaluar, Arsenali kishte 36 pikë të fituara pas 15 ndeshjeve në krahasim me 29 sosh këtë sezon, një tregues i qartë se ka pasur një rënie gjatë javëve të fundit. 

Arteta dëshiron ta korrigjojë këtë duke bërë një blerje në fazën e sulmit dhe këtë synon ta realizojë që në afatin kalimtar dimëror. 

Kjo sipas gazetarit Charles Watts, i cili ka raportuar se ata po vlerësojnë mundësinë për transferimin e Nico Williams pasi Arteta beson se nuk janë aq të fuqishëm në atë pjesë të fushës. 

Saka dhe Martinelli kanë qenë lojtar kyç për Arsenalin gjatë sezoneve të fundit, teksa Leandro Trossard dhe Raheem Sterling janë në gjendje të luajnë në disa pozicione, por ata nuk kanë mjaftueshëm opsione që të ketë konkurrencë brenda skuadrës. 

Williams thuhet se ka një klauzolë lirimi prej 48 milionë eurosh dhe tashmë disa lojtarë të Arsenalit ishin dëshmitar të kualitetit të tij kur u përballën me Spanjën në finale të Euro 2024./Telegrafi/