Mijëra traktorë bllokojnë sërish rrugët e Holandës

Protesta të reja nga fermerët kanë nisur në Utrecht të Holandës. Kësaj radhe protestuesit ishin vendosur përpara ndërtesës së Institutit Kombëtar të Shëndetit Publik, i cili kërkon prej fermerëve të ndërpresin emisionet e nitrogjenit pasi një gjykate vendosi se Holanda po thyen limitet e vendosura në rregulloren e Bashkimit Evropian.

Mijëra fermerët e mbledhur u ankuan se masat e ndërmarra nga qeveria po godet tregun e tyre me kosto të larta ndërkohë që industritë e tjera si aeronautika po shpëtojnë lehtë.

Fermerët me traktorët e tyre pritet të niset drejt Hagës tek qeveria holandeze në ditët në vazhdim. Ata kërkojnë që qeveria të lehtësojë barrierat e vendosura mbi fermerët.

“Gjatë 20 viteve të fundit, sektori i bujqësisë ka ngecur nga rregullat e vendosura nga politikanët. Tani fermerët janë të detyruar të mbajnë barrën e masave emergjente për të luftuar emetimet e azotit”, tha Eddy van Wezel një fermer nga Huijbergen, një fshat afër kufirit belg, përcjell Telegrafi.

Dutch farmers protest against goverment's agriculture policy with their tractors during a national protest at the Malieveld in The Hague #farmers #dutchfarmers #tractors #malieveld #thehague #protest #government #dutch #agriculture #policy pic.twitter.com/fZzVDm9bJp

— Abdullah Aşıran (@abdullah_mywish) October 1, 2019

Këta të fundit janë të vendosur të bllokojnë rrugët kombëtare derisa qeveria të ulet në bisedime me ta për të gjetur një zgjidhje rreth krizës.

Industria e agrikulturës sjell rreth 92 miliardë euro në ekonominë holandeze nëpërmjet eksportit që i bëhet produkteve.

Lexo po ashtu Protestojnë fermerët holandezë, traktorët e tyre shkaktojnë kaos në autostrada

Kujtojmë se në fillim të këtij viti fermerët holandezë kishin protestuar për të njëjtat arsye. /Telegrafi/