Microsoft prapë i interesuar për Yahoo?

Sipas shkrimit të Reuters, i cili thirret në burime të paemëruara, Microsoft thuhet se prapë po mendon për të bërë një ofertë për blerjen e Yahoosë, e në këtë transaksion ai pritet që të hyj me ndihmën e një partneri të paemëruar.

Në raportin e Reutersit thuhet se në Microsoft ende nuk kanë marrë vendimin për atë se a do ta bëjnë apo jo edhe një ofertë tjetër për Yahoonë, duke pasur parasysh se në kompani ekzistojnë fraksione të ndryshme të cilat kanë mendime kundërthënëse.

Nëse këto informata janë të sakta, Microsoft do të ju bashkëngjitet kompanive të shumta të cilat sipas pohimeve janë të interesuara për blerjen e Yahoosë. Në mesin e blerësve potencial ndodhen kompania kineze Alibaba, dhe fondet për investime siç janë Silverlake Partners dhe Andreessen Horowitz.

Microsoft tashmë një herë ka provuar të blej Yahoonë në vitin 2008 duke ofruar përafërsisht 50 miliard dollarë për kompaninë, por atëherë oferta ishte refuzuar nga ana e Yahoosë që udhëhiqej nga themeluesi i kompanisë Jerry Yang. /Telegrafi/