Mickoski: Të afërmit e Zaevit po propagandojnë antisemitizëm kundër Mizrahi

Hristijan Mickoski, lideri i OBRM-PDUKM-së, sot në profilin e tij në Facebook shkroi se se bashkëpunëtorët e afërt të kryetarit të LSDM-së Zoran Zaev po propagandojnë antisemitizmin kundër Ministres Teknike për Punë dhe Politikë Sociale, Rashela Mizrahi.

“Zaev premtoi një shoqëri për të gjithë, por vetëm para kamerave, ndërsa në realitet, ata që ishin të parit afër tij do të shkruanin që ne ishim një “parti fashiste”, për më tepër ata do të tregonin me zell për Rashela Mizrahi se “kishte hebrenj që punonin për Nazistët”, shkruan Mickoski.

Ai thotë se edhe në të njëjtën kohë, fyerje dhe antisemitizëm të tillë propagandues do të pëlqehen në rrjetet sociale të këshilltarëve të Zaevit, të cilët marrin rroga nga të gjithë ne.

“Jam i tronditur nga lehtësia me të cilën bëhen ndarje, gjuha e urrejtjes që po përhapet ndaj shtetit të Izraelit dhe popullin hebre, dhe fyerjet ndaj OBRM-PDUKM-së, prapa së cilës qëndrojnë motive politike dhe janë stimuluar nga partia në pushtet. Dhe kjo nuk është hera e parë, por këtë herë është e tepërt. Shprehja një shoqëri për të gjithë po shndërrohet në përndjekje të kundërshtarëve”, ka shkruar Mickoski./Telegrafi/