Mesut Ozil përfshihet në debatin e më të mirit të të gjitha kohërave mes Messit dhe Ronaldos – gjermani zgjodhi më të mirin sipas tij

Mesut Ozil është lojtari më i fundit që është përfshirë në debatin e vjetër se cili është lojtari më i mirë i të gjitha kohërave, Lionel Messi apo Cristiano Ronaldo.

Mesfushori gjerman ka pranuar pyetje nga fansat e tij në Twtiter, duke u përgjigjur secilës me radhë.

Kur është pyetur se kujt i takon epiteti ‘G.O.A.T’, Ozil ka thënë se 35-vjeçari e ka dëshmuar vetën ku do që ka luajtur.

Messi has proven himself to be one of the best ever in Spain, but Ronaldo was always the best in every country he’s played in! 😉 https://t.co/OfsWqNLedM

— Mesut Özil (@M10) January 11, 2021

“Messi ka dëshmuar vetën si njëri ndër më të mirët në Spanjë, por Ronaldo ka qenë gjithmonë më i miri në çdo vend ku ka luajtur”, ka thënë turko-gjermani.

Ozil i është referuar asaj se pesë herë fituesi i Topit të Artë ka shkëlqyer në Angli, Spanjë dhe Itali, duke fituar trofe në secilën ligë.

Ky aspekt do të thotë se Messi ka treguar cilësitë e tij vetëm në Spanjë, aty ku është rreth 20 vite duke luajtur futboll vetëm për Barcelonën. /Telegrafi/