Messi shpërthen ndaj Barcelonës për largimin e Suarezit dhe përshëndet mikun e tij të madh: Nuk e meritoje të të largonin kështu

Luis Suarez është larguar mes lotësh nga Barcelona pas gjashtë viteve të kaluara në Camp Nou.

Me ardhjen e trajnerit Ronald Koeman, uruguaiani nuk bënte më pjesë në planet e holandezit dhe klubit.

Kësisoj ai do të bashkohet me rivalin e Barçës, Atletico Madrid.

E për largimin e tij ka shpërthyer edhe shoku më i mirë i Suarez, Lionel Messi.

Kapiteni ka kritikuar edhe klubin për mënyrën se si e larguan uruguaianin nga skuadra.

“Sa e vështirë do të jetë të mos e ndaj më ditën me ju siç bëja më parë, si në fushë ashtu edhe jashtë saj”.

https://www.instagram.com/p/CFjb7KrCMBg/?utm_source=ig_embed

“Do më mungosh shumë. Kaluam shumë vite bashkë, ishim shumë të afërt, dreka, darka. Kaluam shumë gjëra që nuk do të harrohen kurrë. Do jetë e çuditshme të të shikoj me një fanellë tjetër dhe aq më tepër si kundërshtar.

Messi ka shkruar se Suarez e ka merituar të largohet ashtu siç e meritonte si një legjendë, e jo si është larguar tani nga Barça.

“Ju meritonit të largoheshit siç e meritonit, si një nga lojtarët më të rëndësishëm në histori të klubit, pasi arrite gjëra të mëdha këtu, si individualisht ashtu edhe në skuadër”.

https://www.instagram.com/p/B5jAxl4qz5G/

“Nuk meritoje të të largonin kështu. Megjithatë e vërteta është se në këtë situatë tani asgjë nuk më habit. Të uroj gjithë të mirat në aventurën e re, shihemi së shpejti”, ka shkruar kapiteni i Barcelonës.

Kujtojmë që Messi dhe Suarez kanë qenë shokët më të mirë te Barcelona dhe gjatë gjithë kohës kanë qëndruar së bashku. /Telegrafi/