Lionel Messi duket se do të largohet nga Barcelona. Këto mund të jenë ditët e fundit në Katalonjë për futbollistin më të madh të brezit të tij, ndoshta edhe në histori.
Edhe pse dalja e tij do të jetë një goditje e fortë për Blaugranat, ata kanë përcjell shumë yje, që u larguan nga klubi më parë.
Këtu mund t’i shohim disa prej tyre, që shpesh herë zunë edhe ballinat në mediat botërore.
Diego Maradona
Megjithëse ai koha e tij në Barcelonë nuk krahasohet me atë të Messit, pasi qëndroi nga viti 1982 deri në vitin 1984, Maradona përcaktoi një epokë në Kataloni.
Ai u largua nga klubi pas mosmarrëveshjeve me bordin dhe përfundoi në Napoli, ku u kthye në legjendë dhe u bë lojtari më i mirë në botë.
Mesfushori gjerman i mahniti tifozët e Barcelonës me lojën e tij, por momenti përcaktues i tij për këtë klub ishte gjatë finales së Kupës Evropiane të 1986.
Ai kishte për të gjuajtur penalltinë e parë të Barcelonës, por u zëvendësua në minutën e 85-të nga trajneri Terry Venables, ndërsa Schuster u largua nga fusha dhe u kthye në hotel. Presidenti Josep Luis Nunez ndërpreu kontratën e tij si rezultat i këtij gjesti.
Laudrup nuk kishte marrëdhënie të mira me trajnerin Johan Cruyff, dhe danezi bëri lëvizje drejt Real Madridit.
Ai kaloi dy sezone atje dhe fitoi titullin e kampionatit në 1995.
Ai ishte një futbollist i mrekullueshëm dhe një nga sulmuesit më të mirë që ka pasur Barcelona.
Por si shumë nga lojtarët më të mirë të klubeve, qëndrimi i tij përfundoi keq pas një përplasjeje me Cruyff gjatë sezonit 1994-95.
Pasi fitoi Kupën e Botës në vitit 1994, ku braziliani donte më shumë kohë pushimi dhe nuk u paraqit në stërvitjet para sezonale. Ai u kthye vonë, por dëmi ishte bërë.
Bobby Robson e kishte kërkuar sulmuesin brazilian në skuadrën e tij, dhe me 47 gola në 49 ndeshje në sezonin e tij të parë, trajneri anglez kishte rë drejtë.
Por Ronaldo nuk u ndie i vlerësuar në klub, dhe Inter e bleu atë për një shumë rekord të asaj kohe, 25 milionë eurove në vitin 1997.
Asnjë tifoz i Barcelonës nuk mund ta harrojë largimin e Figos drejt Real Madridit.
Portugezit nuk i dha kontrata që dëshironte nga Blaugrana, dhe kjo bëri që ai të bëhej pjesë e projektit Galaktikë' të Florentino Perez në Madrid. Figo kaloi për 61 milionë euro te Reali.
Braziliani ndezi Camp Nou gjatë kohës sa ishte te Barcelona - dhe madje mori edhe ovacion në Bernabeu.
Ishte Pep Guardiola, ai i cili e shiti atë te AC Milan për 25 milionë euro në vitin 2008.
Sulmuesi suedez arriti në Barcelonë për 78 milionë euro në vitin 2009, por u largua drejt AC Milan për vetëm 25 milionë euro sezonin më pas.
Prishja e marrëdhënies së tij me Guardiolan ishte arsyeja e largimit të tij, por ishte gjithashtu një kohë kur Messi filloi të luante gjithnjë e më shumë në pozicionin e sulmuesit qendror.
Neymar emocionoi Camp Nou gjatë kohës së tij në Barcelonë, duke formuar tridentin vdekjeprurës 'MSN' me Messi dhe Luis Suarez.
Por pasuritë e Paris Saint-Germain ia thyen mendjen dhe lojtari kërkoi të dilte nga hija e Messit.
Që nga ajo kohë, Barcelona është përpjekur të blejë 28-vjeçarin në shumë raste, por pa sukses. /Telegrafi/
