Mësoi macet që është koha për ushqim sapo të dëgjojnë alarmin që ndizet në telefon, reagimi i tyre është mbresëlënës

Një përdoruese e TikTok prej vitesh ishte ballafaquar me sfida të ndryshme me macet e saj. Kafshët e saj shtëpiake vazhdimisht kërkonin të hanin dhe nuk u bënte fare përshtypje koha kur e kërkonin.

Kështu vendosi të provojë një “hile” që e gjeti në internet. Ajo programoi alarmin në telefonin e saj të mençur – duke ua bërë me dije maceve se tani është koha e ushqimit, dhe se më herët apo më vonë nuk duhet ta kërkojnë, transmeton Telegrafi.

Këtyre kafshëve nuk ju desh shumë kohë të mësohen, dhe të kuptojnë domethënien e tingullit të alarmit të telefonit.

“Nuk po mund të besoj që funksionoi”, ka shkruar ajo përbri videos së publikuar në platformën e TikTokut.

Në videon e publikuar më poshtë, shihet macja e saj duke qëndruar e qetë në divan, kur në një moment dëgjon alarmin dhe kthen kokën për të vrapuar drejt dyshemesë – duke u bërë gati për drekë. Asaj shpejt i bashkohet edhe macja tjetër që i mbante sytë kah pronari. /Telegrafi/

@lashanakateI can’t believe this worked ? Years of nagging us for food has finally stopped #fyp #catsoftiktok

♬ Monkeys Spinning Monkeys – Kevin MacLeod