Mes thashethemeve për ribashkim – Irina Shayk dhe Bradley Cooper tashmë kanë nisur planet për fëmijën e dytë së bashku

Aktori Bradley Cooper dhe modelja Irina Shayk – të cilët tashmë kanë një fëmijë së bashku – po përpiqen të shtojnë një tjetër në familjen e tyre, thotë një burim për Page Six.

Në shtator, çifti – i cili u nda në vitin 2019 dhe bashkë prind vajzën 5-vjeçare Lea – shkuan në një pushim familjar së bashku.

Një burim tha në atë kohë, se ajo ‘ishte një arratisje e vërtetë familjare dhe ata po mendojnë të rikthehen bashkë dhe se Irina dëshiron një tjetër fëmijë me aktorin’.

Teksa tani, thuhet se Cooper, 47 vjeç, ndihet njësoj dhe është pajtuar me dëshirën e ish-partneres.

“Ai është në bord për të zgjeruar familjen e tyre. Ata po përpiqen për një fëmijë të dytë bashkë”, thonë burimet.

Megjithatë, pavarësisht zgjerimit të familjes thuhet se “martesa ndoshta nuk është në tryezë”.

“Bradley duket se ka një qëndrim evropian ndaj institucionit dhe martesave ”, thotë i njëjti burim.

Dyshja, të cilët ishin në lidhje për katër vjet, aktualisht po shkojnë mirë bashkë dhe shijojnë shoqërinë e njëri-tjetrit.

Së fundmi ata kanë kaluar më shumë kohë së bashku. Të hënën, modelja dhe aktori u panë teksa shëtisnin qentë e tyre në New York.

Në Halloween, Shayk postoi një imazh të saj në Instagram, e ulur në prehrin e regjisorit të “Star is Born”, i cili ishte veshur me një kostum ariu.

“Pasi u ndanë, asaj i mungonte ai. Ajo ndihet shumë krenare se si kanë qenë në gjendje të shkojnë mirë dhe të jenë bashkë-prindër për vajzën e tyre”, tha një burim së fundmi People.

Një burim i tha në shtator, se Bradley dhe Irina nuk janë marrë seriozisht me askënd tjetër dhe ata të dy janë pro idensë për të pasur një tjetër fëmijë.

Cooper ishte i martuar më parë me aktoren Jennifer Esposito për katër muaj.

Shayk ishte i lidhur shkurtimisht me Vito Schnabel dhe Kanye West , megjithëse kishte spekulime se marrëdhënia me West ishte për publicitet. /Telegrafi/