Kohë më parë në mediat online kanë qarkulluar disa thashetheme sipas të cilave thuhej se Apple do të lansojë një tablet të ri iPad Pro me 10.5 inç në vitin e ardhshëm. Tani, sipas raporteve të reja thuhet se iPad i ri nga Apple do të zbulohet zyrtarisht në mars të vitit 2017.

Lajmi vjen si raport nga Digitimes të cilët kanë bërë të ditur se Apple do të fillojë prodhimin e iPad Pro të ri gjatë muajit të tjetër.

“Apple do të lansojë iPad me ekran 10.5 inç pasi që tabletët me ekran më të madh kanë marrë popullaritet në sektorin e edukimit në SHBA.” – bëjnë të ditur burimet.

“Tableti ekzistues me ekran 9.7 inç mund të jetë shumë i vogël ndërsa iPad Pro me 12.9 inç është shumë i kushtueshëm për sektorin e tillë,” thuhet në raport.

Specifikat e tabletit të ardhshëm dhe data e lansimit ende nuk janë bërë të ditura.