Autoritet politike duhet t’ua hapin derën noterëve të rinj, pasi disa do të pensionohen, kurse, në disa komuna nuk kanë ende noterë. Kështu u tha në ceremoninë e organizuar nga Oda e Noterëve të Kosovës me rastin e përmbylljes së projektit të mbështetjes nga Agjencia Zvicerane për Zhvillim dhe Bashkëpunim (IHN), për themelimin e shërbimit të noterisë.
Agjencia Zvicerane IHN ka ndihmuar institucionet e Kosovës prej fillimit të hartimit të ligjit për Noterinë në vitin 2008, pastaj me themelimin e Odës së Noterëve të Kosovës, e deri me sot kur përfundoi ky projekt.
Kryetarja e Odës së Noterëve të Kosovës, Arbena Shehu, duke falënderuar agjencinë zvicerane theksoi se me ndihmën e IHN-së, ata kanë arritur të bëhen pjesë e Unionit Ndërkombëtarë të Noterisë.
Ajo në trajnimin e fundit dhe përmbyllës të projektit të IHN-së, tha se me ndihmën e kësaj agjencie kanë arritur të ndërtojnë një sistem stabil të sistemit të noterisë në Kosovë.
“IHN ka luajtur rol kyç është në anëtarësimin e Odës së Noterëve të Kosovës në Unionin Ndërkombëtar të Noterisë, ne që kemi përfaqësuar Odën e Noterëve që ka pasur edhe akterë që nuk e kanë votuar anëtarësimin e Odës së Noterëve të Kosovës në Unionin Ndërkombëtar të Noterisë. Fal këtij anëtarësimi Oda e Noterëve të Kosovës ka fituar të drejtën e pjesëmarrjes në shumë organizime që ka organizuar Unioni Ndërkombëtar i Noterisë në shumë shtete të ndryshme për sa i përket noterisë. Në këto përfaqësime kemi pasur mundësinë të shkëmbejmë përvojën me të mirë të noterive të ndryshme në rajon dhe botë dhe kemi përfituar shumë si odë e Noterëve”, tha Shehu.
Përfaqësuesi i IHN-së, Michele Merlotti, ka kërkuar nga noterët kosovarë që të bëjnë presion mbi autoritetet politike që t’ua hapin derën noterëve, sepse duan që të kenë noterë me cilësi të mëdha.
“Kjo duhet të hyjë në agjendën tuaj që t’i bëni presion autoriteteve politike që t’ua hapin derën noterëve të rinj. Disa nga ju do të pensionohen, disa komuna nuk kanë ende noterë, por ne vërtetë duam noterë të një cilësie të madhe, jo çfarëdo noteri dhe ky rol ju përket juve që ta tregoni dinamizmin e juaj që të vazhdohet kjo noteri me noterë të mirë. Pra jeta juridike e një vendi lidhet me noterinë edhe faktin që në mëngjes ju folëm për sjelljet që duhet të keni me mediat tregon se si profesion gjithmonë jeni në sytë e të tjerëve”, theksoi ai.
Ndërsa, ambasadori i Zvicrës në Kosovë, Hubert Lebet e ka quajtur këtë projekt 9 vjeçar, si jetësor, pasi ka rëndësi të drejtpërdrejtë mbi reformën juridike të Kosovës.
“Përpara nuk kishte shumë gjëra rreth noterisë, sot e keni një punë, një mision, e njihni punën e juaj, e keni Odën e juaj dhe ju mund të bëni presion në autoritetet e juaja që t’i mbroni interesat dhe etiken e profesionin e juaj i cili është thelbësor këtu. Për ne ky projekt është jetësor, dhe ka një rëndësi të madhe të drejtpërdrejt mbi reformën juridike në Kosovë. Ai ofron shërbime cilësore dhe të afërt për qytetarët e Kosovës dhe parë rezultatet sepse janë ulur dosjet, rastet pranë gjykatave dhe kanë lehtësuar jetën e qytetarëve tuaj”, u shpreh ai.
Projekti zviceran zgjati 9 vite, nga viti 2008, dhe ka kushtuar 9 milionë franga zvicerane.
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3