Meloni flet për marrëveshjen me Shqipërinë: Mund të jetë shembull për vendet e tjera

Kryeministrja italiane Giorgia Meloni, tha se marrëveshja e arritur me Shqipërinë për ndërtimin e qendrave për emigrantët që vijnë nga deti mund të shërbejë si një plan për vendet e tjera të BE-së.

“Unë mendoj se ky mund të jetë një shembull që vendet e tjera mund të ndjekin, veçanërisht nëse funksionon mirë”, tha Meloni përmes përkthyesit gjatë një vizite në Kroaci, shkruan Reuters.

Në fillim të këtij muaji, Meloni dhe kryeministri shqiptar Edi Rama njoftuan një skemë të re që Italia të përpiqet të ulë numrin e emigrantëve duke ndërtuar dy qendra që fillimisht do të strehojnë rreth 3000 njerëz kur ato do të hapen në pranverën e 2024.

Plani u kritikua menjëherë nga ekspertë dhe aktivistë të të drejtave të njeriut si ligjërisht i ndërlikuar dhe që kërkon procedura të gjata që mund të vendosin barrë të pajustifikuar për emigrantët.

Të mërkurën, komisionerja e BE-së për migracionin, Ylva Johanssontop, tha se marrëveshja italo-shqiptare për kampet e pritjes nuk shkelte ligjin e BE-së, i cili nuk ishte i zbatueshëm.

“Sa i përket marrëveshjes tonë me Shqipërinë, mendoj se është një marrëveshje shumë inovative dhe shumë e zgjuar, e pritur me shumë interes nga partnerët e tjerë evropianë”, u tha Meloni gazetarëve gjatë vizitës së saj në kryeqytetin kroat Zagreb. /Euronews.al/