Mediat holandeze ua hedhin fajin tifozëve italianë për plagosjen e 10 policëve

Pak orë nda ndajnë nga finalja e madhe e Ligës së Konferencës mes Romës dhe Feyenoord, tifozeritë e të dyja skuadrave kanë mbushur Tiranën që nga dita e djeshme.

Edhe pse deri më tani nuk ka pasur ndonjë incident për t’u shqetësuar, përplasje të vogla me policinë nuk kanë munguar, sidomos gjatë mbrëmjes së djeshme.

Uniforma blu janë detyruar të përdorin edhe gaz lotsjellës për të shpërndarë turmat, duke i futur edhe nëpër autobusët përkatës.

Lexo po ashtu Gjithçka gati për finalen e Ligës së Konferencës: Roma ka përvojën, Feyenoordi tenton ta jetojë ëndrrën

Mediat italianë dhe ato holandeze më së shumti kanë pasqyruar situatën e deritanishme.

Prestigozja holandeze AD e ka me tifozët kundërshtarë të cilët sipas tyre kanë shkatërruar Tiranë dhe kanë plagosur policinë.

“Dhjetë policë u plagosën dhe disa makina policie u dëmtuan, kryesisht për shkak të dhunës së tifozëve të Romës”.

Lexo po ashtu Policia Shqiptare del me bilanc për kaosin e shkaktuar nga tifozët e Feyenoordit

Menjëherë pas mesnate, policia njoftoi se kishte arrestuar gjithsej 60 persona, 48 italianë dhe 12 holandezë. Ashtu si më parë në Marsejë, edhe policia në Tiranë përdori gaz lotsjellës.

Një përplasje mes grupeve të mbështetësve u parandalua nga ndërhyrja e policisë. Në qytet pati shkatërrim, përfshi të paktën një dyqan.

Lexo po ashtu Mësohet shuma që do ta fitojë ekipi që triumfon në finalen e Ligës së Konferencës

Policia njoftoi se grupet e tifozëve po kërkonin të përplaseshin me njëri-tjetrin. Kur fansat e Feynoordit u ndaluan, ata thuhet se nisën të qëllojnë policinë me shishe, gurë dhe shkopinj. Më vonë, tifozët e Romës bënë të njëjtën gjë, por në një zonë tjetër të qytetit, pranë një rajoni policie.

Videot tregojnë se si policia i bombardoi ata me gaz lotsjellës nga të gjitha anët”, shkruan AD./Telegrafi/